Goðdalir – Nýir skagfirskir gæðaostar frá Mjólkursamlagi KS
Nú nýlega settu Mjólkursamlag KS og MS á markaðinn þrjá nýja osta undir yfirheitinu, Goðdalir – Skagfirskir gæðaostar. Um er að ræða ostana Gretti, Reyki og svo að sjálfsögðu Feyki en hann fékkst áður undir nafninu Gull Tindur. Að sögn Jóns Þórs Jósepssonar, framleiðslustjóra Mjólkursamlags KS, þá stendur til að fjölga tegundum í þessari vörulínu.
Einhverjir gætu verið hugsi yfir nafna ostanna en í kynningarefni um þá segir. „Goðdalir er hið forna heiti Skagafjarðardala þar sem jökulfljótin hafa fossað um gljúfrin frá örófi alda og borið fram efni í blómlega akra og bragðmikinn ost. Í Landnámu segir að Eiríkur Hróaldsson hafi numið Goðdali alla. Þar virðist átt við landið sem nær yfir dalina þrjá: Vesturdal, Svartárdal og Austurdal.“
Aðspurður um hvað liggi að baki því að búa til nýjan ost og setja á markað segir Jón Þór: „Þessi nýja vörulína er að mörgu leyti sérstök á ýmsa vegu. Þarna er um að ræða osta sem hafa þurft að fá töluvert aðra meðhöndlun en aðrir hefðbundnir ostar. Um er að ræða handverk þar sem allt þarf að falla saman svo úr verði úrvals afurð. Sem dæmi má nefna að á meðan lageringu stendur þá þarf að snúa ostunum reglulega svo lögun og bragð verði með eðlilegu móti. Eins þarf að bera á ostana átta umferðir af sérstakri ostamálningu sem gerir það að verkum að vatnsinnihald minnkar og bragðið verður sterkara,“ segir Jón Þór. Goðdalir eru lengi í framleiðslu en sem dæmi þá er Feykir ostur sem hefur þroskast í 12 mánuði eða lengur. „Þessir ostar eru sannarlega nýjung á íslenskum markaði og hafa sambærilegir ostar verið fluttir inn í töluverðu magni fram að þessu. Þeir ostar eru m.a. Old Amsterdam og Primadonna.“
Er von á fleiri spennandi ostum frá KS? „Til stendur að fjölga tegundum í þessari vörulínu, bjóða m.a. upp á Feyki 24 mánaða ásamt öðrum spennandi valkostum. Allt tekur þetta tíma, en þess má geta að þegar tekin var ákvörðum um að fara í framleiðslu á þessum ostum þá vissu menn að þetta yrði tímafrekt. Sá tímarammi sem menn settu sér varðandi verkefnið var fimm ár, frá því hugmynd fæðist þar til menn hefðu í höndunum tilbúna afurð ásamt stöðluðu framleiðsluferli,“ segir Jón Þór og bætir við að nú séu nákvæmlega fjögur ár síðan tekin var ákvörðun um að þróa framleiðslu á svona hringlaga ostum og hafa margir starfsmenn komið að þeirri vinnu.
Hægt er að nálgast fínar upplýsingar um ostana og með hvaða mat þeir henta best á kynningarsíðunni goddalir.is >
Fleiri fréttir
-
María Dögg og Josu Ibarbia voru valin best á uppskeruhátíð Tindastóls
feykir.is Skagafjörður, Íþróttir, Lokað efni 06.11.2024 kl. 16.14Knattspyrnudeild Tindastóls hélt lokahóf sitt í Ljósheimum laugardagskvöldið 5. október en í sumar átti Tindastóll lið í Bestu deild kvenna og 4. deild karla og gekk þeim báðum vel. Að venju voru bestu leikmenn, þeir efnilegustu og bestu liðsfélagarnir valdir og hjá stúlkunum var María Dögg Jóhannesdóttir velin best og Josu Ibarbia hjá strákunum.Meira -
Appelsínugul viðvörun á morgun
feykir.is Skagafjörður, Austur-Húnavatnssýsla, Vestur-Húnavatnssýsla 06.11.2024 kl. 15.31Gamalkunnugur gestur er mættur í veðurspá Veðurstofunnar eftir nokkrar fjarveru, nefnilega appelsínugula viðvörunin. Um átta í fyrramálið hvessir duglega hér á Norðurlandi vestra en gul viðvörun er fram að hádegi en þá bætir í vindinn og tekur sú applesínugula við um hádegi og stendur fram á kvöld.Meira -
Utankjörfundaratkvæðagreiðsla hefst á morgun
feykir.is Skagafjörður, Austur-Húnavatnssýsla, Vestur-Húnavatnssýsla 06.11.2024 kl. 09.59Nú eru rúmar þrjár vikur þar til kosið verður til Alþingis. Hér í Norðvesturkjördæmi verða tíu listar á atkvæðaseðlinum. Reiknað var með ellefu framboðum en Græningjum tókst ekki að setja fram lista hér frekar en annars staðar á landinu. Það er næsta víst að það eiga ekki allir heimangegnt á kjörstað 30. nóvember og þurfa því að kjósa utan kjörstaðar. Utankjörfundaratkvæðagreiðsla hefst fimmtudaginn 7. nóvember.Meira -
Haustfyrirlestur Heimilisiðnaðarsafnsins á Blönduósi
feykir.is Austur-Húnavatnssýsla, Listir og menning, Lokað efni 06.11.2024 kl. 09.56Einn af föstum viðburðum Heimilisiðnaðarsafnsins er að halda fyrirlestur eða fyrirlestra sem fara oftast fram á haustdögum og nú laugardaginn 26. október sl. Í þetta sinn ræddi Jón Torfason, sagnfræðingur, um fatnað almúgafólks á 18. og 19. öld.Meira -
Unnur Rún kosin í stjórn Landssambands hestamannafélaga
feykir.is Skagafjörður, Austur-Húnavatnssýsla, Hestar, Vestur-Húnavatnssýsla, Lokað efni 06.11.2024 kl. 08.57Í lok október fór 64. Landsþingi Landssambands hestamannafélaga fram í Borgarnesi en fyrir þinginu lágu 40 mál. Fram kemur í tilkynningu frá LH að stjórn hafi verið kjörin til næstu tveggja ára. Unnur Rún Sigurpálsdóttir úr Hestamannafélaginu Skagfirðingi var ein hinna kjörnu og situr til ársins 2026. Linda Björk Gunnlaugsdóttir úr hestamannafélaginu Spretti var rétt kjörin nýr formaður og tekur hún við af Guðna Halldórssyni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.