Góðan daginn Íslandspóstur
Mig langar að leggja inn formlega kvörtun yfir póstþjónustunni á landsbyggðinni. Við búum útí sveit rétt hjá Varmahlíð og Sauðárkrók og hér er ekki lengur keyrður út póstur alla virka daga heldur einungis 3 daga vikunnar aðra vikuna og 2 hina vikuna.
Þegar pósthúsin voru lögð niður til dæmis í Varmahlíð og Hofsósi fyrir nokkrum árum síðan sögðuð þið að þannig væri verið að bæta þjónustuna - þannig gætum við sem búum útí sveit haft samband beint við þann aðila sem væri að keyra út póstinn og komið bréfum og pökkum á hann og sloppið við að keyra inn til næsta pósthúss til að setja í póst.
Núna, semsagt nokkrum árum síðar eruð þið svo hættir að keyra út til okkar frá mánudegi til föstudags eins og þið gerið í þéttbýlum og við þurfum að sætta okkur við að ekki bara fá dagblöð, reikninga og bréf degi seinna en venjulega (aðra hvora viku erum við að fá laugardags, sunnudags, mánudags og þriðjudagsmoggann allt í einu á þriðjudögum ) heldur getum við ekki lengur treyst á póstþjónustuna til þess að fá senda hluti til okkar sem okkur vantar, eins og t.d. lyf fyrir dýrin okkar eða varahluti í vélarnar okkar.
Finnst ykkur þetta ásættanlegt?
Þetta er bara eitt af mörgum fleiri hlutum sem gerir fólki erfiðara fyrir að búa útí sveit. Við þurfum nú þegar að keyra oft langar vegalengdir til þess að sækja okkur alla þá þjónustu sem fólk í þéttbýli hefur greiðan aðgang að, tiltölulega rétt hjá sér og pósturinn er það eina sem getur hugsanlega sparað okkur útréttingar af og til.
Kannski væri nær lagi að hætta að bera út póst í þéttbýli þar sem að fólk getur auðveldlega sótt sér þá þjónustu sem það vantar, jafnvel í göngufæri, - heldur en að hætta að keyra út póst til fólks í dreifbýli sem svo sannarlega treystir ennþá á póstþjónustuna. Ef það þarf endilega að skerða þjónustuna einhversstaðar, meina ég bara.
Er markvisst verið að þvinga fólk til að flytja í þéttbýli?
Eigum við að leggja niður sveitirnar og flytja öll til Reykjavíkur?
Ég vona innilega að þið endurskoðið þessa ákvörðun ykkar og farið aftur að keyra út póstinn til okkar í sveitunum 5 daga vikunnar.
Bestu kveðjur - Inga Dóra
[Pistillinn var fyrst birtur á Facebook-síðu Íslandspósts 24. maí 2016]
Fleiri fréttir
-
Elís og Hafdís voru fyrst til að ná mynd af lóunni í ár
feykir.is Austur-Húnavatnssýsla, Vestur-Húnavatnssýsla, Lokað efni 22.04.2025 kl. 14.07Sveitarfélagið Skagaströnd efndi til ljósmyndasamkeppni þar sem leikskólabörn og krakkar í 1.-4. bekk í grunnskólanum á Skagaströnd voru hvött til þess leita að fyrstu lóunni og ná af henni mynd. Það er ekki annað að sjá en að lóan sé mætt í allri sinni dýrð á Skagaströnd, segir á heimasíðu sveitarfélagsins.Meira -
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að kaupa miða inni á tix.is en þegar þeir mæta á sýninguna þurfa þeir að tilkynna sig í miðasölunni og láta haka við sig. Stjórn Verslunarmannafélagsins verður svo í sambandi við þá aðila sem nýttu sér miðann til að endurgreiða miðakaupin.Meira -
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira -
Karlakórinn Lóuþrælar með sína árlegu vortónleika
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 13.15Það er komið að vortónleikum Karlakórsins Lóuþræla en þeir verða haldnir þann 23. apríl kl. 20:00 í Félagsheimilinu á Hvammstanga. Tónleikarnir eru orðnir fastur liður á vorin en kórinn var stofnaður í febrúar 1985 og eru því 40 ára á þessu ári.Meira -
Sumarhátíð á Hvammstanga
feykir.is Skagafjörður 22.04.2025 kl. 12.45Haldið verður upp á sumardaginn fyrsta á hefðbundinn hátt þann 24. apríl nk. á Hvammstanga. Hátíðin hefst með skrúðgöngu frá Félagsheimilinu á Hvammstanga klukkan 13:00. Farinn verður hefðbundinn hringur með viðkomu á Sjúkrahúsinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.