Glæsilegur sigur unglingaflokks
Unglingaflokkur Tindastóls í körfu sigraði Keflvíkinga á laugardag í Íslandsmótinu. Var sigurinn sætur eftir erfiða ferð í Stykkishólm kvöldið áður þar sem strákarnir misstu í fjórða leikhluta úr höndum sér unnin leik.
Svona er skrifað um leikinn á heimasíðu Tindastóls;
Greinilegt var að ferðin í Hólminn sat í strákunum því þeir voru þungir framan af og í raun ekki fyrr en undir lok þriðja leikhluta sem þeir fóru að sýna sitt rétta andlit.
Staðan eftir fyrsta leikhluta var 20-18 fyrir Tindastól, en Keflvíkingar settu í gírinn í þriðja leikhluta og leiddu í hálfleik 32-37.
Gestirnir höfðu svo frumkvæðið allt þar til um þrjár mínútur voru eftir af þriðja leikhluta, en þá kom frábær kafli hjá okkar mönnum og þeir skoruðu 11 síðustu stig leikhlutans. Þar af átti Hreinn átta og Loftur læddi inn einum þristi. Staðan við upphaf fjórða og síðasta leikhluta var 53-49.
Tindastóll var skrefinu á undan í fjórða leikhlutanum og þeir frændur Hreinn og Hákon settu samtals 16 af 21 stigi leikhlutans. Þar af átti Hákon tvær stórar körfur úr sama horninu og öruggur sigur niðurstaðan 74-61.
Eftir leikinn eru Stólarnir í 5. sæti með 6 unna leiki og þrjá tapaða eins og Keflavík. Haukarnir leiða Íslandsmótið 7/1, Valsmenn eru í öðru sæti með 7/2, Njarðvík í þriðja með 7/3 og eilítið betra stigahlutfall in innbyrðisviðureignum Tindastóls og Keflavíkur skilar Keflvíkingum í fjórða sætið.
Næstu leikir hjá strákunum eru heimaleikur gegn Fjölni um næstu helgi og "heimaleikur" gegn Njarðvík eftir tvær vikur, en hann verður leikinn í Varmahlíð.
Stigaskor okkar manna:
Hreinn Gunnar Birgisson 31
Hákon Már Bjarnason 11
Loftur Páll Eiríksson 9
Halldór Halldórsson 8
Einar Bjarni Einarsson 6
Þorbergur Ólafsson 5
Sigurður Snorri Gunnarsson 2
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.