Glæsilegur árangur UMSS á MÍ
Meistaramót Íslands í frjálsíþróttum, fyrir 11-14 ára, var haldið á Höfn í Hornafirði helgina 15.-16. ágúst. Keppendur voru um 200 og í flestum greinum voru um 30 keppendur. UMSS sendi keppendur á mótið sem stóðu sig með mikilli prýði.
Að sögn Gunnars þjálfara var veður ekki sem best fyrri daginn, mótvindur í spretthlaupum og frekar kalt, en sólin sýndi sig seinni daginn og þá var vindur líka stilltur. Krakkarnir staðfestu það sem þau sýndu á ULM heima, að þau eru í fremstu röð á landinu í sínum aldursflokkum.
Skagfirðingarnir stóðu sig frábærlega á mótinu og unnu 4 Íslandsmeistaratitla, auk þess 2 silfur og 3 brons, og allir stóðu krakkarnir sig með sóma.
Gunnhildur Dís Gunnarsdóttir (11 ára) varð tvöfaldur Íslandsmeistari, hún sigraði í hástökki (1,33m) og í langstökki (4,26m). Þá vann Gunnhildur brons í 60m hlaupi og varð í 5. sæti í kúluvarpi.
Fríða Isabel Friðriksdóttir (11 ára) varð Íslandsmeistari í 800m hlaupi (2:57,36mín), hún vann auk þess til tvennra silfurverðlauna, í 60m hlaupi og langstökki, og varð í 5-8 sæti í hástökki.
Þóranna Ósk Sigurjónsdóttir (13 ára) varð Íslandsmeistari í hástökki (1,48m), vann brons í 80m grindahlaupi og varð í 6. sæti í 800m hlaupi.
Þorgerður Bettína Friðriksdóttir (13 ára) varð í 5. sæti bæði í 100m hlaupi og kúluvarpi.
Bjarni Páll Ingvarsson (11 ára) varð 5. í kúluvarpi og 6. í spjótkasti.
Sandra Sif Eiðsdóttir (13 ára) varð í 6. sæti í hástökki.
Sveit UMSS í 4x100m boðhlaupi 13 ára telpna vann til bronsverðlauna, en sveitina skipuðu Þóranna Ósk, Sandra Sif, Þorgerður Bettína og Gunnhildur Dís.
/Tindastóll.is
Fleiri fréttir
-
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira -
Katrín segir upp sem framkvæmdastjóri SSNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 18.03.2025 kl. 08.54Í fundargerð SSNV frá 11. mars síðastliðnum kemur fram að Katrín M Guðjónsdóttir, sem verið hefur framkvæmdastjóri SSNV í um það bil tvö og hálft ár, hefur lagt fram uppsögn á starfi sínu með ósk um að láta að störfum hið fyrsta. Stjórn SSNV þakkaði Katrínu fyrir vel unnin störf í þágu samtakanna og samfélagsins alls og óskar henni velfarnaðar í nýju starfi.Meira -
Stólastúlkur með sigur í síðustu umferð Lengjubikarsins
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 17.03.2025 kl. 23.08„Við erum mjög ánægð með leikinn í gær heilt yfir. Fylkir féll í fyrra og hefur misst nokkra öfluga leikmenn en voru þó með hörku leikmenn i gær og úr varð mjög flottur leikur,“ sagði Donni þjálfari Sigurðsson þegar Feykir spurði hann hvað honum hefði fundist um leikinn en lið Tindastóls bar sigurorð af Fylki í lokaumferð riðlakeppni Lengjubikarsins á sunnudaginn. Lokatölur 2-0.Meira -
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.