Glæsileg árshátíð hjá Grunnskólanum á Blönduósi
Hin árlega árshátíð Grunnskólans á Blönduósi var haldin á föstudaginn. Hófst hún í miklum hríðarbyl á söngleiknum Kræbeibí sem næstum allir nemendur unglingadeildarinnar tóku þátt í. Óhætt er að segja að sýningin hafi staðið undir væntingum og fullur salur fólks virtist mjög sáttur.
Að venju var hin sívinsæla Blönduvisionkeppni haldin. Að þessu sinni voru aðeins þrír keppendur og var það Brynhildur Una í 10. bekk sem vann, en hún söng lagið Einhversstaðar, einhverntíma aftur sem Ellen Kristjánsdóttir gerði vinsælt hér um árið.
Árshátíðargestir, pakksaddir eftir glæsilegt kökuhlaðborð, gátu svo dansað fram til klukkan 1 við tónlist sem DJ Doddi Mix framreiddi. Þórhalla skólastjóri fékk þó að stjórna dansi í um það bil hálftíma eftir að yngstu gestirnir voru farnir heim, en þá spreyttu nemendur sig á kokkinum, skiptidansi, djæf og svensk maskerade. Var ekki annað að sjá en allir skemmtu sér hið besta því gólfið var þéttskipað og einungis örfáir sem ekki tóku þátt.
Árshátíðin tókst í alla staði mjög vel og mega unglingarnir vera stoltir af frammistöðu sinni. Hægt er að sjá fleiri myndir af hátíðinni HÉR
/Húni.is
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.