Gísli ósáttur við svör Snorra
Gísli Árnason er ekki sáttur við svör formanns Atvinnu- og ferðamálanefndar Sveitarfélagsins Skagafjarðar við erindi Gísla á byggðaráðsfundi á dögunum þar sem Gísli óskaði svara um samstarfssamning sveitafélagsins við Skagafjarðarhraðlestina.
Svaraði formaður erindinu með erindi til Feykis.is sl. föstudag en af því tilefni sendi Gísli mótsvar við erindi Snorra.
-Snorri Styrkársson, virðist halda að ég skilji ekki eðli samstarfs sveitarfélagsins og Skagafjarðarhraðlestarinnar eða að ég mistúlki samstarfið í einhverjum sérstökum tilgangi. Þetta er nokkuð harður dómur, en í samræmi við meinlega bókun meirihlutans á sveitarstjórnarfundi 9. febrúar síðastliðinn.
Skagafjarðarhraðlestin er, eins og fram hefur komið, samtök áhugafólks, stofnuð sumarið 2005 , með það að markmiði að efla atvinnulíf í Skagafirði.
Ég held að þrátt fyrir háleit og virðingaverð markmið við stofnun félagsins, sem við getum öll verið sammála um að séu mikilvæg fyrir búsetuþróun héraðsins þá hefur ímynd félagsins verið Akkilesarhæll þess frá upphafi, sem er miður. Það hefur sýnt sig undanfarið að Skagfirðingar geta staðið saman þegar hagsmunir allra íbúanna eru hafðir að leiðarljósi.
Fyrsta verkefni félagsins skyldi vera að vinna að því að virkjunarréttur í skagfirskum fallvötnum verði í höndum heimamanna og tók félagið sem slíkt eindregna afstöðu með þeim aðilum, sem sóttu fast á að virkja Jökulsárnar, Kaupfélagi Skagfirðinga og Rarik. Opinber starfsemi félagsins litaðist næstu misseri af þessu fyrsta verkefni.
Vísa ég til fundar félagsins um atvinnumál í desember 2005, þar sem Smári Geirsson og Einar Rafn Haraldsson fjölluðu um virkjanaframkvæmdir á Austurlandi.
Í febrúar 2006 sendir Skagafjarðarhraðlestin áskorun til Alcoa, að kanna til hlítar hagkvæmni þess að seja upp álver í Skagafirði. Í áskoruninni er tekið fram að engin vandamál verði í sambandi við orkuöflun.
Þrátt fyrir það að ég telji að félagið hafi að nokkru leyti afskrifað sig í upphafi, er það síður en svo ástæða beiðni minnar um upplýsingar varðandi samning sveitarfélagsins og Skagafjarðarhraðlestarinnar. Á fundi byggðaráðs 15. des síðastliðinn var tekin afstaða til rúmlega 6 milljón króna fjárheimildar, til fullnustu samnings sem rann út 15 dögum síðar, án þess að gögn þar að lútandi væru lögð fram. Upplýsingar um ofangreindan samning voru ekki heldur til reiðu á byggðaráðsfundi 4. febrúar síðastliðinn, þrátt fyrir formlega beiðni þar um. Hér þarf augljóslega að gera betur innan stjórnsýslunnar.
Gísli Árnason
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.