Gestastofa sútarans opnaði formlega á föstudag
Á föstudag var formlega opnuð Gestastofa Sútarans sem staðsett er í húsnæði Loðskinns á Sauðárkróki. Þar getur fólk komið við og skoðað og keypt fjölbreytt úrval leðurvara frá hönnuðum og handverksfólki, búnum til úr afurðum sútunarverksmiðjunnar.
Með gestastofunni er ferðamönnum og almenningi opnaður aðgangur að verksmiðjunni og afurðum hennar á óvenjulegan hátt. Í stað hefðbundinnar fræðslusýningar er boðið upp á kynnisferð um raunverulegan vinnustað þar sem gestir sem það kjósa eru leiddir í gegn um verksmiðjuna og fá að kynnast því hvernig hrá skinn eða roð verða að þeirri vöru sem notuð er í hönnun, handverk og iðnað ýmiskonar. Við opnunina var stór hópur gesta sem naut góðra veitinga og leiðsagnar um verksmiðjuna og var að sjá að þeim líkaði vel.
Gestastofa sútarans er opin daglega frá kl. 13 til 17, fram til 15. september og kynnisferðir um verksmiðjuna eru alla virka daga kl. 14 eða eftir samkomulagi og rétt er að minna á heimasíðuna sutrinn.is.
Fleiri fréttir
-
Góð byrjun á árinu hjá Júdódeild Tindastóls
feykir.is Skagafjörður, Aðsendar greinar 04.04.2025 kl. 12.20Loka undirbúningur fyrir mótin á vorönninni hófst á fyrstu æfingu ársins 6. janúar.Meira -
Annað skiptið sem safninu hlotnast þessi viðurkenning
feykir.is Skagafjörður, Lokað efni 04.04.2025 kl. 12.04Á dögunum hlaut Byggðasafn Skagfirðinga viðurkenningu frá CIE Tours vegna ánægju gesta með heimsókn á safnið. CIE Tours er Írskt ferðaþjónustufyrirtæki sem var stofnað árið 1932 en fyrirtækið skipuleggur og heldur utan um ferðir í Evrópu. Í tilkynningunni segir að 2024 hafi verið annað árið í röð sem hópar frá þessu fyrirtæki sóttu safnið heim og þetta er jafnframt í annað skiptið sem safninu hlotnast þessi viðurkenning.Meira -
UMFÍ með sínar fyrstu sumarbúðir á Reykjum í sumar
feykir.is Skagafjörður, Austur-Húnavatnssýsla, Vestur-Húnavatnssýsla 04.04.2025 kl. 11.33Í sumar ætlar UMFÍ að halda sínar fyrstu sumarbúðir og verða þær staðsettar á Reykjum í Hrútafirði. Sumarbúðirnar eru ætlaðar krökkum sem eru fædd frá 2011-2013, segir á heimasíðu UMFÍ. Nú spyr ég... hafa ekki allir krakkar gott af því að prufa að fara í sumarbúðir og kynnast nýjum krökkum og hafa gaman? Þetta getur ekki klikkað!Meira -
Yndisleg kvöldstund á Löngumýri
feykir.is Skagafjörður, Lokað efni 04.04.2025 kl. 11.10Það voru fallegir tónar já eða hljómar sem komu frá Löngumýri sl.þriðjudagskvöld þegar tríóið Hljómbrá stóð fyrir vægast sagt notalegri kvöldstund. Tríóið Hljómbrá er skipað þeim Guðrúnu Helgu í Miðhúsum, Kolbrúnu Erlu á Úlfsstöðum og Írisi Olgu í Flatatungu og Rögnvaldur Valbergsson sér um undirleik.Meira -
Nýtt listaverk á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.04.2025 kl. 09.58Feykir sagði frá því um miðjan febrúar að nokkur ný ruslatunnulistaverk hafi bæst í safnið á Skagaströnd en þá var búið að mála á þrjár nýja tunnur, hver öðrum glæsilegri. Listamaðurinn sem á heiðurinn af tunnumálverkunum er Gígja Heiðrún Óskarsdóttir og nú er hún aftur á ferðinni því á dögunum bættist við ein ný tunna eftir Gígju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.