Gefur skógarþresti steinsofandi
Húsmóður á Sauðárkróki brá heldur betur í brún þegar inn til hennar flaug skógarþröstur um helgina og tók sér bólfestu upp í rjáfri. Lofthæð er töluverð í húsinu og hefur ekki enn náðst að koma þrestinum út að sögn konunnar. –Ég var nú bara að vaska upp, var reyndar í dálitlu basli með það, þar sem burstinn sem ég notaði þá var orðinn ansi lélegur, en hvað um það....... þrösturinn hefur bara flögrað hér um eins og hann eigi heima hérna, sagði húsmóðirin sem ekki vill láta nafn síns getið. - Ég reyndi að berja hann niður með kústinum og svo á karlinn logsuðutæki sem við reyndum að nota til að svíða hann hreinlega á flugi. Hvorugt hefur gengið og hann er hér ennþá, búinn að skíta út um allt. Reyndar kom svolítið brunasár í loftbitana eftir logsuðutækið en ég vona nú að tryggingarnar bæti mér það tjón.
En hlýtur fuglinn ekki að drepast úr hungri? –Nei það virðist ekki vera, við ákváðum reyndar að reyna að svelta hann en húsbóndinn hefur þann leiða sið að ganga í svefni og hann hefur nú tekið upp á því að gefa þrestinum á næturnar. Það er þó skömminni skárra heldur en hann fari út úr húsinu eins og hefur komið fyrir, steinsofandi kall andskotinn, sagði konan.
Skógarþrösturinn hefur ekki verpt þarna innandyra, enda heldur frúin að þarna sé um karlfugl að ræða. – Alla vega núna eftir að HM byrjaði hefur hann algjörlega hætt að flögra um þegar kalinn er að horfa á HM, þannig að þetta hlýtur að vera karlfugl, sagði þessi óheppna húsmóðir að lokum við Dreifarann.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.