Fullt hús og gríðarleg stemning
Minningartónleikar Skúla Einarssonar sem fram fóru í Félagsheimilinu á Hvammstanga laugardaginn 21. október, „gengu vonum framar og stemningin var gríðarleg, salurinn fylltist. Ég taldi ekki sjálfur inn en það gengur um sú saga að milli 220 og 230 manns hafi mætt, “ segir Guðmundur Grétar, annar af skipuleggjendum tónleikanna.
Guðmundur heldur áfram og segir: „Tónleikarnir gengu smurt fyrir sig, kórinn steig á stokk, hljómsveitin Krummafótur lék undir rest, engum leiddist, kynnar húmorískir og heimilislegir og í rauninni var allt heimilislegt þarna. Þangað voru greinilega allir komnir til að minnast Skúla. Ekki síður til að skemmta sér og styrkja gott málefni. Miðinn kostaði 4000 kr. og því hægt að gera ráð fyrir að um 600.000 kr. hafi safnast inn á Velferðarsjóð Húnaþings vestra. Þrátt fyrir að tónleikarnir væru komnir í tæplega þrjá klukkutíma, var bandið samt klappað upp.
Krummafótur hafði ekki gert ráð fyrir slíkri uppákomu en við gerðum það sem við gerum best og það var að telja í það fyrsta sem okkur datt í hug. Lagið Ofboðslega frægur, Stuðmannalagið frábæra, var valið af handahófi og það svoleiðis smurðist ofan í liðið. Í miðju lagi föttuðum við að kannski var þetta lag bara tileinkað honum Skúla sjálfum, því hann var jú einn af þessum stóru.“
Guðmundur vill svo að lokum þakka öllum kærlega fyrir komuna og ekki síður þeim sem lögðu sitt af mörkum fyrir þetta verkefni. „Allt þetta fólk hefur unnið ómetanlega vinnu og ég er viss um að hann Skúli heitinn hafi verið með okkur í anda þetta kvöld“. Systir Guðmundar, Guðrún Helga Magnúsdóttir, var á staðnum og tók myndir af tónleikunum. /gg
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.