Frumniðurstöður rannsóknanna kynntar um aldur og þróun elstu byggðar í nágrenni Hólastóls
feykir.is
Skagafjörður, Austur-Húnavatnssýsla, Vestur-Húnavatnssýsla
13.12.2024
kl. 15.06
Mynd af fyrirlestrinum. Mynd tekin af Facebook-síðu Háskólans á Hólum.
Laugardaginn 7. desember var haldinn á Hólum opinn fyrirlestur á vegum Ferðamáladeildar um fornleifarannsóknir þær sem deildin hefur, ásamt UMass Boston, staðið fyrir í Hjaltadal sl. fjögur ár. Fyrirlesturinn var vel sóttur en þar voru kynntar frumniðurstöður rannsóknanna sem hafa miðað að því að kanna aldur og þróun elstu byggðar í nágrenni Hólastól, segir á Facebooksíðu Háskólans á Hólum.
Rannsóknin hefur sýnt fram á að byggð hefur verið á Hólastað a.m.k. frá 10. öld en Hólar virðist hafa verið meðalbýli þegar biskupsstóllinn var stofnaður 1106. Eftir það verða Hólar langstærsta jörðin í Hjaltadal. Stærsta jörðin fyrir stofnun stólsins er hins vegar Neðri-Ás en fyrir utan almennar upplýsingar um þróun byggðar fundust þar leifar af 10. aldar skála og soðholur frá svipuðum tíma. Nokkur byggðafesta hefur verið í Hjaltadal eftir stofnun stólsins en þó hefur landnámsjörðin Hof lagst af fyrir 1300. Í seinni tíma heimildum er Hof jafnan talið eyðibýli í landi Hólastaðar. Stærstu jarðarnar virðast hafa minnkað að umfangi eftir stofnun stólsins en minni jarðir standa í stað eða stækka. Ummerki eru um að skriður hafi haft áhrif sunnanvert í dalnum en skriðuföll hafa raskað byggð á bæjunum Reykjum og í Hvammi, en þó hefur byggð þar ekki lagst af.
Tveir miðalda kirkjugarðar voru staðfestir, annar á Kálfsstöðum en hinn á Skúfsstöðum. Kirkjugarðurinn á Kálfsstöðum er þekktur úr heimildum en engar heimildir voru um garð á Skúfsstöðum. Báðir garðarnir fundust með jarðsjármælingartækjum en í báðum einnig grafir og beinaleifar. Kirkjugarðurinn á Skúfsstöðum er fyrsti kirkjugarðurinn sem finnst með slíkum tækjum hérlendis án fyrirliggjandi þekkingar um kirkju. Vísbendingar um byggrækt fannst á sjö jörðum, eða 24% allra jarða sem rannsóknin tók yfir.
Enn er beðið niðurstaðna úr aldursgreiningum og ýmsum öðrum greiningum en skýrsla mun koma út um rannsóknirnar á vordögum.
Fleiri fréttir
-
Skagfirski kammerkórinn með tónleika í Blönduóskirkju
feykir.is Skagafjörður, Austur-Húnavatnssýsla, Vestur-Húnavatnssýsla 16.12.2024 kl. 15.45Skagfirski kammerkórinn býður til jólatónleika Blönduóskirkju þriðjudaginn 17.desember einnig klukkan 20:00.Meira -
Textíl gámur Rauða krossins fjarlægður
feykir.is Skagafjörður 16.12.2024 kl. 10.45Vegna breyttra aðstæðna er hætt að taka á móti textíl í fatagáma Rauða krossins í Skagafirði. Fólk er bent á að fara með textíl á flokkunarstöðvar sveitarfélagsins. Koma má með vönduð, hrein og heil föt í búðina við Aðalgötu 10B á opnunartíma sem er á þriðjudögum frá kl. 13-16 og laugardögum frá kl. 13-16.Meira -
Dalamaðurinn í Hrútafirðinum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Hvað segja bændur? 15.12.2024 kl. 09.00Ingimar Sigurðsson býr á Kjörseyri í Hrútafirði vestanverðum. Er fráskilinn, býr einn og er með um 500 fjár. Ingimar er rafmagnstæknifræðingur að mennt og er löggildur rafverktaki. Vinnur sem rafvirki meðfram búskapnum eins og hann hefur tíma til. Á eina dóttur og tvö fósturbörn sem hjálpa til í sveitinni þegar þau geta.Meira -
Afrískur pottréttur og snickerskaka | Matgæðingur Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 14.12.2024 kl. 12.16Það er Helga Kristín Sigurðardóttir sem fékk áskorun frá dóttur sinni, Kristjönu Pálsdóttur, að taka við matgæðingaþætti Feykis fyrir tölublað 44 í fyrra og auðvitað tók Helga henni. Helga og maðurinn hennar, Páll Jóhannsson, eru bæði fædd og uppalin í Reykjavík, en móðurfjölskylda Helgu er frá Sólheimum í Sæmundarhlíð.Meira -
Frá Álaborg aftur heim í Skagafjörð
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Velkomin heim 14.12.2024 kl. 12.00Heiða B. Jóhannsdóttir hjúkrunarfræðingur og ljósmóðir á HSN á Sauðárkróki og á Blönduósi er fædd og uppalin á Sauðárkróki. Heiða er gift Árna Gísla Brynleifssyni og eiga þau börnin Louisu Lind 18 ára, Ingólf Snæ 11 ára og Evu Líf sjö ára. Heiða og Árni fluttu úr Skagafirði í ágúst 2014 og fluttu svo heim sléttum sjö árum síðar upp á dag. Feykir býður þau að sjálfsögðu velkomin heim.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.