Frjálsíþróttafólk UMSS kjörið
Laugardaginn s.l. var haldið frjálsíþróttamót UMSS innanhúss í íþróttahúsinu á Sauðárkróki. Fjöldi keppenda tók þátt og góð tilþrif sáust þó ekki væru nein met slegin í þetta sinn.
Meðal keppenda voru þrjár efnilegar stúlkur sem gáfu sér tíma í smá spjall. Það voru þær systur Bettína og Fríða Friðriksdætur og Þóranna Ósk Leifsdóttir.
Fríða sagðist ætla að keppa í öllum greinum á mótinu en best er hún í hlaupum og í þeim er líka skemmtilegast að keppa ásamt stangarstökkinu. Hvort hún hafi unnið eitthvað á mótinu var hún ekki alveg viss en gæti verið.
Bettína er hlaupagarpur eins og yngri systir og best er hún í 60 m hlaupi. Hún ætlaði að keppa í öllu nema langstökki og var þegar blaðamaður talaði við hana búin að landa öðru sætinu í hástökki.
Þóranna ætlaði að keppa í öllu en hún gat ekki gert upp við sig hver væri hennar besta grein en spjótið er ekki í uppáhaldi. Hún var búin að hreppa ein fyrstu verðlaun og það var í kúluvarpi.
Þóranna Ósk sem er 12 ára er mikið efni í afrekskonu og hún keppti í nokkrum greinum á silfurleikum ÍR fyrr í vetur og varð í 3-4 sæti í hástökki 12 ára stelpna og stökk 140 cm. Í grindarhlaupi varð hún í 8. sæti stúlkna 13-14 ára þar sem hún keppti í flokki fyrir ofan sig og svo hljóp hún á 10,80 sek sem er besti árangur í 12 ára flokki stelpna í ár innanhúss.
Þær stöllur voru sammála um það að það væri rosalega gaman að keppa í frjálsum.
Að loknu móti var haldið samsæti í Framsóknarhúsinu og voru eftirtaldar viðurkenningar veittar:
Frjálsíþróttakarl UMSS 2008: Gauti Ásbjörnsson.
Gauti varð Íslandsmeistari í stangarstökki karla og vann einnig sigur í stangarstökki í Bikarkeppni FRÍ.
Frjálsíþróttakona UMSS 2008: Linda Björk Valbjörnsdóttir.
Linda Björk varð þrefaldur Íslandsmeistari (15-16 ára), í 60m, 200m og 60m grindahlaupi innanhúss.
Þá setti hún Íslandsmet (15-16 ára) í 300m grindahlaupi.
Efnilegustu unglingar UMSS 2008: Jóhann Björn Sigurbjörnsson og Þóranna Ósk Sigurjónsdóttir sem ritað er um fyrr í fréttinni.
Fleiri fréttir
-
Elís og Hafdís voru fyrst til að ná mynd af lóunni í ár
feykir.is Austur-Húnavatnssýsla, Vestur-Húnavatnssýsla, Lokað efni 22.04.2025 kl. 14.07Sveitarfélagið Skagaströnd efndi til ljósmyndasamkeppni þar sem leikskólabörn og krakkar í 1.-4. bekk í grunnskólanum á Skagaströnd voru hvött til þess leita að fyrstu lóunni og ná af henni mynd. Það er ekki annað að sjá en að lóan sé mætt í allri sinni dýrð á Skagaströnd, segir á heimasíðu sveitarfélagsins.Meira -
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að kaupa miða inni á tix.is en þegar þeir mæta á sýninguna þurfa þeir að tilkynna sig í miðasölunni og láta haka við sig. Stjórn Verslunarmannafélagsins verður svo í sambandi við þá aðila sem nýttu sér miðann til að endurgreiða miðakaupin.Meira -
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira -
Karlakórinn Lóuþrælar með sína árlegu vortónleika
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 13.15Það er komið að vortónleikum Karlakórsins Lóuþræla en þeir verða haldnir þann 23. apríl kl. 20:00 í Félagsheimilinu á Hvammstanga. Tónleikarnir eru orðnir fastur liður á vorin en kórinn var stofnaður í febrúar 1985 og eru því 40 ára á þessu ári.Meira -
Sumarhátíð á Hvammstanga
feykir.is Skagafjörður 22.04.2025 kl. 12.45Haldið verður upp á sumardaginn fyrsta á hefðbundinn hátt þann 24. apríl nk. á Hvammstanga. Hátíðin hefst með skrúðgöngu frá Félagsheimilinu á Hvammstanga klukkan 13:00. Farinn verður hefðbundinn hringur með viðkomu á Sjúkrahúsinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.