Friðarhlaupið á Hvammstanga
Friðarhlaupið (World Harmony Run) sem er alþjóðlegt kyndilboðhlaup var ræst í Laugardal þann 2.júlí af Katrínu Jakobsdóttir, menntamálaráðherra og munu hlauparar heimsækja Hvammstanga á miðvikudag.
Tilgangur hlaupsins er að efla frið, vináttu og skilning manna og menningarheima á milli. Sem tákn um þessa viðleitni bera hlaupararnir logandi kyndil, sem berst manna á milli í þúsundum byggðarlaga í yfir hundrað löndum. Tuttugu og fimm hlauparar frá fimmtán þjóðlöndum taka þátt í friðarhlaupinu.
Friðarhlaupið hóf göngu sína árið 1987 og hefur verið árlegur viðburður síðan þá. Hlaupararnir fara hringinn í kringum landið á rúmum tveimur vikum en hlaupinu lýkur í Reykjavík þann 16. júlí. Um er að ræða boðhlaup þar sem hver og einn hlaupari hleypur um það bil 15 kílómetra.
Hlaupið er haldið í yfir hundrað löndum, friðarhlaupinu lauk í Frakklandi í gær og næst fer hlaupið fram í Úkraínu. Hlaupararnir koma við í fjölmörgum bæjum á leið sinni og fá allir sem það vilja að hlaupa með kyndilinn.
Hlaupararnir verða á Hvammstanga 8. júlí kl. 15:00 og langar til að hitta börnin í sveitarfélaginu, bæði til að hlaupa smá með þeim og einnig til að segja börnunum frá þessu alþjóðlega vináttuhlaupi. Fólk er hvatt til að fjölmenna og taka vel á móti hlaupurunum við Söluskálann á Hvammstanga kl. 14:45 og hlaupa með þeim að Íþróttamiðstöðinni.
Einnig er Gunnlaugur Júlíusson (ættaður frá Bakka í Víðidal) að hlaupa á milli Reykjavíkur og Akureyrar til styrktar Grensásdeildinni. Hann ætlar að hlaupa u.þ.b 60 km á dag. Hann stefnir að því að verða í Húnavatnssýslu næstkomandi þriðjudag og miðvikudag. Gaman væri ef einhverjir gætu skokkað með honum smá spöl. Þá kannski helst í kringum Hvammstangavegamót. Þar verður hann sennilega um kl. 16,00 á morgun þriðjudaginn 7. júlí, hægt er að fylgjast með ferðum Gunnlaugs á Rás 2 og líka inni á www.hlaup.is
Fleiri fréttir
-
Rokkkórinn heimsækir þrjú sveitarfélög
feykir.is Skagafjörður, Vestur-Húnavatnssýsla, Lokað efni 19.03.2025 kl. 11.21Nú næstu daga stendur mikið til hjá Rokkkórnum þegar hann verður með þrenna tónleika í þremur mismunandi sveitarfélögum. Fyrst verða tónleikar í Lindakirkju í Kópavogi þann 22. mars. nk., því næst verða tónleikar í Miðgarði í Skagafirði 27. mars og að lokum í Félagsheimilinu Hvammstanga 29. mars.Meira -
Ríkisábyrgð á 1.490 milljarða króna? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.03.2025 kl. 09.14Tryggð innlán í fjármálastofnunum á Íslandi námu 1.490 milljörðum króna um síðustu áramót samkvæmt upplýsingum frá Tryggingasjóði vegna fjármálafyrirtækja (TVF) sem nemur um þriðjungi vergrar landsframleiðslu á síðasta ári. Tryggð innlán jukust um 131 milljarð króna frá því að staðan var tekin í upphafi síðasta árs. Í byrjun árs 2021 voru tryggð innlán á Íslandi um 1.000 milljarðar króna og hafa þau þannig aukizt um tæplega 50% á einungis síðustu fjórum árum.Meira -
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.