Framkvæmdir við Sundlaug Sauðárkróks hefjast í haust
Byggingarnefnd Sundlaugar Sauðárkróks hefur samþykkt að farið verði í hönnun byggingarnefndarteikninga og kostnaðargreiningu á breytingum á Sundlaug Sauðárkróks samkvæmt fyrirliggjandi drögum frá Úti og inni arkitektum, sömu og teiknuðu viðbyggingu Árskóla. „Þetta eru ekki fullmótaðar tillögur en þetta er hugmyndafræðin sem við erum að vinna eftir,“ sagði Stefán Vagn Stefánsson, formaður nefndarinnar, í samtali við Feyki.
Það er verkfræðistofan Stoð ehf. sem mun annast verkfræðiþátt framkvæmdarinnar. Framkvæmdum við breytingu og nýbyggingu vegna sundlaugarinnar verður skipt upp í A og B áfanga. Í áfanga A verður unnið við að breyta högun innanhúss og þess háttar og felur áfangi B í sér nýbyggingu útisvæða. Stefnt er að því að hefjast handa við áfanga A í haust. Markmiðið er að halda lauginni opinni eins mikið og kostur er á meðan framkvæmdum stendur.
„Við stefnum ekki á að gera neitt hlé á þessu, við ætlum bara að halda áfram og klára dæmið. Það hefur lengi verið hávær krafa um þetta, komið fram alls konar hugmyndir og útfærslur en flestar þeirra voru svo dýrar og umfangsmiklar að það var ekki nokkur leið fyrir sveitarfélagið að fara í þær. Svo þegar við hugsuðum þetta útfrá sömu hugmyndafræði og Árskóla, að nýta það sem fyrir er og byggja ofan á og við, varð þetta mun ódýrara en þær hugmyndir sem menn upphaflega ætluðu í. Við sáum þarna leið sem varð til þess að við getum farið í þetta fjárhagslega,“ sagði Stefán.
Nýtt laugarsvæði með rennibrautum
Samkvæmt fyrirliggjandi drögum frá Úti og inni arkitektum þá er sundlaugin á annarri hæð, gengið er inn í anddyri að austan (nyrst) og þar er gengið upp stigahús að afgreiðslu. Lítið stigahús er handan við horn inngangsins og er farið inn í það að norðan. Meðfram austurveggnum er kvennaklefinn og verður hafist handa við hann í haust. Búningsklefi nyrst, þurrksvæði og salerni, sturtuklefi og útgönguleið að laugarsvæði. Afgreiðslan verður með glervegg þannig hægt sé að horfa þaðan yfir sundlaugarsvæðið, þar við hliðina á er veitingasvæði.
Vestan við veitingasvæðið er fjölskyldurými, þar sem umönnunaraðili, jafnvel af gagnstæðu kyni, geta verið saman í klefa. Þar vestar er karlaklefinn; búningsklefi, salernisaðstaða, þurrksvæði og síðan er gengið út á laugarsvæði úr sturtuklefa vestast. Þegar framkvæmdum er lokið í kvennaklefa stendur til að færa karlaklefann tímabundið í eldri kvennaklefann á meðan framkvæmdir eru í karlaklefanum. Þá er eimbað teiknað vestan við sundlaugina.
Sunnan við sundlaugina er teiknað nýtt laugarsvæði, fyrrnefndur B áfangi, sem Stefán segir geta tekið talsverðum breytingum í vinnsluferlinu. Þar er gert ráð fyrir köldum pott, vað- og barnalaug og rennibrautum þar sem gengið er inn í rennibrautarhús svo börnin standi ekki úti á meðan beðið er eftir að renna sér.
Fleiri fréttir
-
Friðrik Henrý pílaði til sigurs
feykir.is Skagafjörður, Íþróttir, Lokað efni 14.04.2025 kl. 16.37Það var mikið um að vera hjá Pílukastfélagi Skagafjarðar sl. fimmtudag en þá mætti Haraldur Birgisson (Halli Birgis) unglingalandsliðsþjálfari í heimsókn til að kíkja á yngstu pílukastara PKS og taka út hið flotta barna- og unglingastarf sem PKS stendur fyrir. Í tilefni heimsóknarinnar var hennt í grillveislu og svo í alvöru mót eftir matinn.Meira -
Efling stafrænnar getu í ferðaþjónustu á Norðurlandi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.04.2025 kl. 16.29Samtök ferðaþjónustunnar, Markaðsstofa Norðurlands og Hæfnisetur ferðaþjónustunnar stóðu nýlega fyrir áhugaverðum viðburði sem haldinn var með það að markmiði að efla stafræna getu ferðaþjónustuaðila á Norðurlandi. Fundarstjóri var Sveinbjörg Rut Pétursdóttir, framkvæmdastjóri SSNV. Davíð Jóhannsson, ráðgjafi SSNV á sviði ferðamála, var einnig meðal þeirra fjölmörgu sem mættu á viðburðinn.Meira -
Tónleikar í Hólaneskirkju í kvöld
feykir.is Austur-Húnavatnssýsla, Lokað efni 14.04.2025 kl. 15.20Sjaldan hefur jafn stór hópur framhaldsnemenda verið í flautusamspili Tónlistarskólans á Akureyri. Dagana 24.-29. apríl ætla sex nemendur þaðan og einn píanónemandi að fara til Frakklands í tónleika- og menningarferð. Kennararnir Petrea Óskarsdóttir (flauta) og Þórarinn Stefánsson (píanó) hafa undirbúið nemendurna fyrir tónleikana og verða fararstjórar. Hópurinn hélt tónleika í Akureyrarkirkju miðvikudaginn 9. apríl sl. og á Skagaströnd í kvöld og hitar upp fyrir utanlandsferðina.Meira -
Leikurinn gegn Völsungi gefur góð fyrirheit
feykir.is Skagafjörður, Íþróttir, Lokað efni 14.04.2025 kl. 11.25Feykir sagði frá því um helgina að Tindastólsmenn urðu að sætta sig við tap gegn Lengjudeildarliði Völsungs í Mjólkubikar fótboltans. Úrslitin réðust í æsispennadi og dramatískum bráðabana í vítaspurnukeppni. „Ég var mjög ánægður með leik minna manna, við sýndum mikinn vilja og dugnað,“ sagði Konráð Freyr Sigurðsson (Konni), þjálfari Tindastóls þegar Feykir spurði hann út í leikinn.Meira -
Það lengist í gulu veðurviðvöruninni
feykir.is Skagafjörður, Austur-Húnavatnssýsla, Vestur-Húnavatnssýsla 14.04.2025 kl. 11.09Nokkuð snjóaði í snarpri norðanátt í nótt hér Norðvestanlands en þó ekki meira en svo að varla er hægt að tala um hvíta jörð í byggð. Reiknað var með að gul veðurviðvörun dytti niður upp úr hádegi í dag en Veðurstofan hefur framlengt í þeirri viðvörun sem stendur nú fram á aðfaranótt þriðjudags. Veðrið gengur að mestu niður í dag en áfram verður hvasst á Ströndum fram yfir miðnætti og af þeim sökum hangir viðvörunin inni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.