Framkvæmdir við Sundlaug Sauðárkróks ganga vel
Seinni part janúarmánuðar samdi svf. Skagafjörður við skagfirska byggingaverktakann Uppsteypu um áfanga II við uppbyggiingu Sundlaugar Sauðárkróks og hefur vinna við laugina staðið yfir síðan í mars. Trausti Valur Traustason hjá Uppsteypu segir framkvæmdir ganga vel og þeir Uppsteypumenn séu bjartsýnir á að klára verkið á tilsettum tíma. Verklok eru áætluð 30. október 2022.
Trausti segir verkefnið bæði krefjandi og flókið. „Við erum búnir að steinsaga og fjarlægja hluta af suðurveggnum á kjallara núverandi sundlaugar og verður þar opið á milli nýja og eldri hlutans. Steypa undirstöður og kjallaragólf og síðan er búið að steypa útveggi kjallara og stoðveggi utan við kjallararann og við erum núna að leggja lokahönd á veggjasteypur innan kjallara. Það eru veggir og súlur undir rennibrautir, burðarveggir undir sundlaug, vatnstankar sem verða undir sundlaug og sundlaugarbakka og svo sundlaugarkantar með innsteyptum rennum, ljósa- og myndavélaúrtökum ásamt úrtökum fyrir lagnakerfi sundlaugar. Næsta skref er svo að slá undir og steypa sundlaugarbotninn og svo laugarbakkann. Eins og staðan er núna erum við bjartsýnir á að klára verkið á tilsettum tíma.“
Hver er staðan á verkinu þegar ykkar verkefni er lokið og hvað á þá eftir að gera? „Þegar við höfum lokið okkar verkefni verður uppsteypu mannvirkisins lokið. Eins verður búið að koma fyrir þeim vatnslögnum sem þarf til að hægt sé að klára steypuvinnuna og úrtökum fyrir raflagnir og lagnir sundlaugarkerfis. Þá verður eftir vinna við flísalagnir í sundlaug og allur frágangur á yfirborði sundlaugar og sundlaugarbakka.“ Hann segir að einnig verði eftir öll vinna við raflagnir og lagnavinna við sundlaugarkerfið ásamt öllum frágangi á handriðum og þess háttar. „Síðan verður eftir að koma fyrir rennibrautunum ásamt frágangi útveggja og hurða að vestan.“
Eru næg verkefni hjá smiðum í Skagafirði? „Eins og er eru næg verkefni hjá smiðum í Skagafirði og ekki hægt að segja annað en að það sé í mörg horn að líta“
Hafa menn ekkert náð sér í smá tan í sumar í vinnunni? „Eitthvað tan er nú komið á mannskapinn þó að sumarið hafi ekki komið með miklum hvelli,“ segir Trausti frá Syðri-Hofdölum.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.