Framendinn er fjandi þver,
Um síðustu helgi var haldin heljarinnar hátíð Land Rover eigenda í Húnaveri. Rúmlega 100 manns mættu á staðinn á 48 bílum og nutu þess að skemmta sér saman í mikilli veðurblíðu.
Á Bögubelgnum er mikill kvæðabálkur um þessa ágætu Land Rover bíla en kveikjan að þeim var að árið 2008 var haldin heilmikil hátíð í Húnaveri í tilefni 60 ára afmælis Land-Rover.
Segir höfundurinn Teitur Þorbjörnsson að kvikindið hafi komið upp í honum og fóru þá að brjótast út þessar vísur. -Sjálfsagt á einhverjum eldheitum Land-Rover aðdáanda eftir að svíða undan eða finnast ég fara með fleipur um þessa ágætu eðalvagna. Dæmi hver fyrir sig...,segir Teitur
LAND-ROVERRÍMUR
Hérna nokkur kvæði kveð,
karskur á það stefni.
Ætla hafa háðið með,
hæfir þessu efni.
Hátíð mikla halda skal,
hampa jeppum fínum.
Leggja innst í Langadal,
Land-Roverum sínum.
Stoltir eru strákarnir,
standa við þá rjóðir.
Finnst þeim betri fákarnir,
fáir hér um slóðir.
Finna má samt margan löst,
miklir eru gallar.
Eru skotin oftast föst,
um þau bragur fjallar.
Framendinn er fjandi þver,
fráleitt loftið brýtur .
Strembin loftmótstaðan er,
stundum aflið þrýtur.
Margoft hefur mikill þar
mosinn skotið rótum.
Gluggafölsum finnur var
finnst í brúskum ljótum.
Lucas-ilm þeim leggur frá,
ljúfur er sá angan.
Finnst þér skutinn skorta, þá
skaltu fá þér „langan“.
Mikið í þeim marr og skrölt,
mjúk er fjöðrun ekki.
Starta þeim er bölvað brölt,
býr til dökka mekki.
Eflaust galla meiri má
myndarlega finna.
Einhverjir þó þekkja þá,
þarf vart á að minna.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.