"Frábærir tónleikar og innilegar þakkir til ykkar allra!"
Á laugardag voru haldnir tónleikar í Félagsheimilinu Ásbyrgi til styrktar Júlíusi Má Baldurssyni, sem varð fyrir miklu tjóni í bruna sem varð á Tjörn í lok mars s.l. Júlíus er fullur af þakklæti fyrir þann stuðning sem hann hefur fengið og sendi Norðanátt smá kveðju til birtingar.
"Mig langar til að senda ykkur öllum sem voruð á tónleikunum í Ásbyrgi laugardagskvöldið 05. júní s.l. innilegar þakkir fyrir góða og skemmtilega kvöldstund."
"Helga, Palli og þið er stóðuð að tónleikahaldinu..... hafið innilega þökk fyrir allt sem þið gerðuð og lögðuð á ykkur við undirbúninginn til að gera þetta kvöld að veruleika. Allir flytjendur tónlistarinnar, bæði þið er spiluðuð lögin og þið sem sunguð, hafið mjög svo kæra þökk fyrir ykkar framlag. Þetta var frábært hjá ykkur öllum.
Vertinn í Víðigerði, Guðmundur Steinsson, er lagði til veitingarnar sem í boði voru, hafðu innilega þökk fyrir þitt framlag. Og ekki síst þið öll sem mættuð á svæðið og áttuð þessa góðu kvöldstund með mér.....innilegar og kærar þakkir til ykkar allra fyrir stuðninginn.
Þetta var frábært kvöld, gaman og skemmtilegt og sú besta kvöldstund sem ég hef átt í langan tíma. Það var líka mjög gaman að sjá og heyra hvað mikið er til að góðu og hæfileikaríku fólki í héraðinu. Þessir tónleikar og stuðningur ykkar allra sýna manni svo vel að maður er sannarlega ekki einn á ferð í lífinu þegar eitthvað bjátar á. Stuðningur ykkar allra mun fylgja mér í gegnum lífið sem ein af mínum betri minningum.
Enn og aftur....hafið öll kæra og innilega þökk fyrir mig.
Kærar kveðjur til ykkar allra frá Tjörn
Júlíus Már Baldursson"
/Norðanátt
Fleiri fréttir
-
Góð byrjun á árinu hjá Júdódeild Tindastóls
feykir.is Skagafjörður, Aðsendar greinar 04.04.2025 kl. 12.20Loka undirbúningur fyrir mótin á vorönninni hófst á fyrstu æfingu ársins 6. janúar.Meira -
Annað skiptið sem safninu hlotnast þessi viðurkenning
feykir.is Skagafjörður, Lokað efni 04.04.2025 kl. 12.04Á dögunum hlaut Byggðasafn Skagfirðinga viðurkenningu frá CIE Tours vegna ánægju gesta með heimsókn á safnið. CIE Tours er Írskt ferðaþjónustufyrirtæki sem var stofnað árið 1932 en fyrirtækið skipuleggur og heldur utan um ferðir í Evrópu. Í tilkynningunni segir að 2024 hafi verið annað árið í röð sem hópar frá þessu fyrirtæki sóttu safnið heim og þetta er jafnframt í annað skiptið sem safninu hlotnast þessi viðurkenning.Meira -
UMFÍ með sínar fyrstu sumarbúðir á Reykjum í sumar
feykir.is Skagafjörður, Austur-Húnavatnssýsla, Vestur-Húnavatnssýsla 04.04.2025 kl. 11.33Í sumar ætlar UMFÍ að halda sínar fyrstu sumarbúðir og verða þær staðsettar á Reykjum í Hrútafirði. Sumarbúðirnar eru ætlaðar krökkum sem eru fædd frá 2011-2013, segir á heimasíðu UMFÍ. Nú spyr ég... hafa ekki allir krakkar gott af því að prufa að fara í sumarbúðir og kynnast nýjum krökkum og hafa gaman? Þetta getur ekki klikkað!Meira -
Yndisleg kvöldstund á Löngumýri
feykir.is Skagafjörður, Lokað efni 04.04.2025 kl. 11.10Það voru fallegir tónar já eða hljómar sem komu frá Löngumýri sl.þriðjudagskvöld þegar tríóið Hljómbrá stóð fyrir vægast sagt notalegri kvöldstund. Tríóið Hljómbrá er skipað þeim Guðrúnu Helgu í Miðhúsum, Kolbrúnu Erlu á Úlfsstöðum og Írisi Olgu í Flatatungu og Rögnvaldur Valbergsson sér um undirleik.Meira -
Nýtt listaverk á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.04.2025 kl. 09.58Feykir sagði frá því um miðjan febrúar að nokkur ný ruslatunnulistaverk hafi bæst í safnið á Skagaströnd en þá var búið að mála á þrjár nýja tunnur, hver öðrum glæsilegri. Listamaðurinn sem á heiðurinn af tunnumálverkunum er Gígja Heiðrún Óskarsdóttir og nú er hún aftur á ferðinni því á dögunum bættist við ein ný tunna eftir Gígju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.