Forvali jafnaðarmanna lokið
Nú hafa jafnaðarmenn í Norðvesturkjördæmi valið sér forystu fyrir Alþingiskosningar 29. október n.k. og við erum afar þakklát fyrir traustið sem okkur hefur verið sýnt.
Efst á baugi fyrir kosningar er að draga úr ójöfnuði í landinu. Um leið og almenningur er sannfærður um að ekki séu til nægir peningar til að reka hér gjaldfrjálst heilbrigðiskerfi fyrir alla, menntastofnanir á öllum stigum eru sveltar og þrengt er að barnafjölskyldum hafa tekjustofnar ríkisins verið tættir niður. Þær skattalækkanir sem ráðist hefur verið í hafa ekki gagnast þeim sem mest þurftu á að halda og úrræði í húsnæðismálum skilið stóran hóp eftir með sárt ennið. Þá eru engar hækkanir til ellilífeyrisþega og öryrkja á 5 ára áætlun ríkisstjórnarinnar.
Á næsta kjörtímabili bíða stór verkefni og það allra mikilvægasta er að tryggja að allir hafi í sig og á, og jafnan aðgang að grunnstoðum samfélagins. Það er mikilvægt að jafnaðarmenn standi saman gegn þeim öflum sem vilja tryggja sérhagsmuni á kostnað almennings.
Guðjón S. Brjánsson og Inga Björk Bjarnadóttir, 1. og 2. sæti lista Samfylkingar jafnaðarmanna í NV kjördæmi
Fleiri fréttir
-
Elís og Hafdís voru fyrst til að ná mynd af lóunni í ár
feykir.is Austur-Húnavatnssýsla, Vestur-Húnavatnssýsla, Lokað efni 22.04.2025 kl. 14.07Sveitarfélagið Skagaströnd efndi til ljósmyndasamkeppni þar sem leikskólabörn og krakkar í 1.-4. bekk í grunnskólanum á Skagaströnd voru hvött til þess leita að fyrstu lóunni og ná af henni mynd. Það er ekki annað að sjá en að lóan sé mætt í allri sinni dýrð á Skagaströnd, segir á heimasíðu sveitarfélagsins.Meira -
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að kaupa miða inni á tix.is en þegar þeir mæta á sýninguna þurfa þeir að tilkynna sig í miðasölunni og láta haka við sig. Stjórn Verslunarmannafélagsins verður svo í sambandi við þá aðila sem nýttu sér miðann til að endurgreiða miðakaupin.Meira -
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira -
Karlakórinn Lóuþrælar með sína árlegu vortónleika
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 13.15Það er komið að vortónleikum Karlakórsins Lóuþræla en þeir verða haldnir þann 23. apríl kl. 20:00 í Félagsheimilinu á Hvammstanga. Tónleikarnir eru orðnir fastur liður á vorin en kórinn var stofnaður í febrúar 1985 og eru því 40 ára á þessu ári.Meira -
Sumarhátíð á Hvammstanga
feykir.is Skagafjörður 22.04.2025 kl. 12.45Haldið verður upp á sumardaginn fyrsta á hefðbundinn hátt þann 24. apríl nk. á Hvammstanga. Hátíðin hefst með skrúðgöngu frá Félagsheimilinu á Hvammstanga klukkan 13:00. Farinn verður hefðbundinn hringur með viðkomu á Sjúkrahúsinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.