Forseti kosinn til forystu :: Leiðari Feykis
Samkvæmt dagskrá lýkur 45. þingi ASÍ í dag eftir kosningar um forseta. Eins og allir vita sem eitthvað fylgjast með fréttum hefur gustað um verkalýðshreyfinguna síðustu misseri og sagði Drífa Snædal af sér embætti forseta sambandsins í ágúst sl. enda átök innan þess verið óbærileg að hennar mati og dregið úr vinnugleði og baráttuanda.
Ragnar Þór Ingólfsson, formaður VR, tilkynnti fyrir nokkru að hann myndi fara í framboð til forseta ASÍ ef hann fengi nægan stuðning og nú rétt fyrir þing ákvað Ólöf Helga Adolfsdóttir, ritari stjórnar Eflingar, að bjóða sig fram gegn Ragnari.
Ljóst er að mikil átök eru innan ASÍ um völd og framtíðaráherslur en sambandið er stærsta fjöldahreyfing launafólks á landinu með um tvo þriðju hluta launamanna í skipulögðum samtökum á Íslandi innanborðs.
En skjótt skipast veður í lofti því þegar leiðara vikunnar hafði verið skilað til uppsetjara og blaðið nánast klárt til prentunar voru þau Ragnar Þór og Ólöf Helga enn í framboði en áður en prentplötur voru keyrðar út var orðið ljóst að Ragnar Þór hafði dregið sig til hlés, ásamt Vilhjálmi Birgissyni og Sólveigu Önnu Jónsdóttur, sem höfðu boðið fram krafta sína til miðstjórnar og leiðarinn því ótækur til prentunar óbreyttur.
Svo virðist sem ASÍ sé klofið í herðar niður eftir tíðindi dagsins og óljóst hvernig mál þróast en vonandi ber nýjum forseta gæfa til að ýta eigin valdahagsmunum til hliðar og vinna af krafti fyrir þá 127 þúsund félagsmenn sem enn eru skráðir í ASÍ. Ekki veitir af, því kjarasamningar meirihluta launþega á íslenskum vinnumarkaði eru u.þ.b. að renna út.
Góðar stundir!
Páll Friðriksson
Uppfært kl. 13:10:
Þingi Alþýðusambands Íslands hefur verið frestað fram á næsta vor. Sitjandi forseti ASÍ og formaður Rafiðnaðarsambands Íslands, Kristján Þórður Snæbjarnarson, leiðir sambandið í kjaraviðræðum vetrarins. Sjá nánar í frétt RÚV HÉR
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.