Fljótsdalsfræðingar reyndust spakvitrari í Útsvari
Lið Skagafjarðar í spurningaþættinum Útsvari laut síðastliðið föstudagskvöld í lægra haldi fyrir spræku liði Fljótsdalshéraðs sem skipað var gáfnaljósum með nánast óeðlilega þekkingu á blómum, sögu og öðrum fróðleik sem einkum gagnast í spurningaleikjum af þessu tagi. Leikurinn tapaðist 49-96 (svipað og í körfunni).
Skagfirðingar voru sprækir á fyrstu metrunum og náðu að velgja Fljótsdalsfræðingum undir uggum. Að loknu bjölluhlaupi og vísbendingaspurningum hafði Skagafjörður náð ágætu forskoti en það fór fyrir lítið í leikþættinum og að lokum sprakk liðið á limminu. Einhverjir mundu kannski segja að lið Fljótsdalshéraðs hafi verið nokkuð heppið með spurningar; þær voru kannski ekki auðveldar en féllu vel að heilasellum þeirra og áhugamálum.
Þátturinn var skemmtilegur og góð stemning meðal keppenda skilaði sér heim í stofu. Bæði lið höfðu ætlað að mæta til leiks með gjafir handa andstæðingum sínum en svo skemmtilega vildi til að bæði lið gleymdu gjöfunum heima. Kristján B tjáði Fljótsdalsfræðingum að þeir hefðu átt að fá Sögu Kaupfélags Skagfirðinga að gjöf en reyndar var áhugi Héraðsbúa fyrir bókinni mismikill.
Þá var reynslubolta Skagfirðinga, Ólafi Sigurgeirssyni, bent á að þetta væri hans þriðja ár í Útsvari og fannst honum jafnvel nóg komið. Þóra Arnórs spyrill tjáði honum þá á að árangur Skagafjarðar hefði batnað með hverju árinu og því freystandi fyrir hann að halda áfram.
Skagfirðingar eru stoltir af sínu liði og óska Kristjáni, Ingu Maríu og Ólafi til hamingju með árangurinn.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.