Fjömenni sótti messu í Ábæ og veðrið alveg prýðilegt
„Það rituðu 140 í gestabók,“ sagði séra Sigríður Gunnarsdóttir þegar Feykir forvitnaðist um messuhald í Ábæjarkirkju í Austurdal síðastliðinn sunnudag. Hún segir að um 20-30 manns komist á bekki kirkkjunnar en það kom ekki að sök að þessu sinni. „Veðrið var svo gott að fólk vildi heldur sitja úti í sólinni.“
Hún sagði kirkjugesti hafa komið víða að, margir hafi átt ættir að rekja eða haft aðrar tengingar við Austurdalinn. Aðspurð sagðist Sigríður telja að rúmlega tíu manns hafi komið ríðandi til kirkju en þar fyrir utan hafi nokkrir farið yfir jökulsána með kláfnum gamla.
Einn þeirra var Hjörtur Geirmundsson sem tjáði Feyki að hann hefði náð að lauma sér í kláfinn með vönum manni, Gísla Frostasyni og sanferðafólki hans. „Við vorum sem sagt sex saman þá og síðan voru 3 aðrir sem voru farnir en voru samferða til baka. Það er alltaf mikilfenglegt að fara á kláfnum yfir ána,“ sagði Hjörtur.
Fleiri fréttir
-
Ungmennaþing SSNV 2024 fer fram 11. september
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 09.09.2024 kl. 15.25Á vef SSNV segir að þann 11. september fer fram ungmennaþing SSNV í Félagsheimilinu á Blönduósi, er þetta annað árið í röð sem þingið er haldið. Ungmennaþingið er hluti af áhersluverkefninu Ungt fólk á Norðurlandi vestra og er markmið þess að skapa vettvang fyrir ungt fólk til að tjá skoðanir sínar og ræða málefni sem brennur á því, valdefla og efla tengslanet þessa hóps. Jafnframt að kynna menningu landshlutans fyrir ungu fólki og fá þeirra sýn inn í samráðsvettvang sóknaráætlunar. Ungmennaþingið á þess vegna þátt í að gefa krökkum á svæðinu rödd og tækifæri til þess að hafa áhrif í landshlutanum, en við ætlum líka að skemmta okkur.Meira -
Það harðnar á dalnum hjá Húnvetningum
feykir.is Austur-Húnavatnssýsla, Íþróttir, Vestur-Húnavatnssýsla 08.09.2024 kl. 22.03Það var spilað á Sjávarborgarvelli á Hvammstanga í dag í 21. umferð 2. deildarinnar í knattspyrnu. Þá tók Kormákur/Hvöt á móti Knattspyrnufélagi Austurlands sem hefur verið í toppbaráttunni í mest allt sumar en var rétt búið að missa af lest þeirra liða sem vilja fylgja liði Selfoss upp í Lengjudeildina. Leikurinn var því kannski ekki mikilvægur fyrir gestina en hann var það sannarlega fyrir lið Húnvetninga sem berst fyrir lífi sínu í deildinni. Það var lið KFA sem hafði betur, vann leikinn 1-3.Meira -
Appelsínugul viðvörun og norðanhvellur í kortunum
feykir.is Skagafjörður, Austur-Húnavatnssýsla, Vestur-Húnavatnssýsla 08.09.2024 kl. 15.49Í tilkynningu frá almannavörnum á Norðurlandi vestra er vakin athygli á slæmri veðurspá fram á seinni hluta þriðjudags. Búið er að gefa út af Veðurstofu að frá og með seinnipartinum á morgun, mánudegi, verði gefin út appelsínugul veðurviðvörun sem að nær langt fram á þriðjudag.Meira -
Allt er gott sem endar vel
feykir.is Skagafjörður 08.09.2024 kl. 15.06Feykir sagði frá því undarlega máli á föstudag að húseigandi við Sæmundargötu á Sauðárkróki næði ekki að afhenda nýjum eiganda húsið þar sem leigjandi hans neitaði að yfirgefa húsið. Nú hefur þetta málið fengið farsælan endi þar sem félagsmálayfirvöld í Skagafirði gripu í taumana og komu manninum fyrir á gistihúsi.Meira -
Íslenskar göngudrottningar taka Kóngaveginn með trompi
feykir.is Skagafjörður, Ljósmyndavefur, Mannlíf, Lokað efni 08.09.2024 kl. 11.40Fyrr í sumar hélt gönguhópur sem kallar sig Föruneyti Írisar í vikuferð til Noregs, með það að markmiði að ganga hluta af gamalli póst-og þjóðleið sem kallast Kongeveien over Filefjellet á tungu þarlendra. Skemmst er frá að segja að ferðin heppnaðist vel og göngu-dagarnir þrír, ásamt dvöl í einstaklega fallegu umhverfi í Lærdal, Aasane og Bergen, heppn-uðust vel. Komu konurnar þrettán sem tóku þátt endurnærðar til síns heima viku síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.