Fiskisúpa og mulningspæja
Matgæðingur í tbl 15, 2021, var Herdís Pálmadóttir en hún býr í Noregi ásamt fjölskyldu sinni, þeim Þormóði Inga, Sóldísi, Ingu Dís og Þormóði Ara. Sökum aðstæðna í þjóðfélaginu í dag hafa þau ekki komið til Íslands í þrjú heil ár og hlakka þau mikið til að geta komið aftur á Krókinn þar sem krakkarnir fá að hlusta á Rás 1 með morgunmatnum og fara í heita pottinn með afa sem talar alltaf svo hátt.
„Það verður að segjast að eldamennskan a heimilinu dagsdaglega er yfirleitt eitthvað fljótlegt og ekki endilega eins og klippt út úr kokkabók. Húsbóndanum finnst stundum aðeins of mikill fókus á létt salat. Þá er gott ad brydda upp a nýjungum með þorskhnökkum úr frystinum, sem mamma og pabbi koma stundum með í handfarangri frá Íslandi,“ segir Herdís. Þessi fiskisúpa er einföld og svakalega góð. Ég er vön að gera stóra uppskrift, gjarnan ef að einhver kemur í mat og á þá smá afgang handa okkur, ef ég er heppin. Oft undirbý ég súpuna daginn áður, þá á bara eftir að hita hana upp og skella fisknum í hana.
AÐALRÉTTUR
Fiskisúpa - uppskrift f. 8 manns
u.þ.b. 1600 g fiskur, ég nota oftast þorskhnakka og lax, skorið í hæfilega stóra bita.
olía til steikingar
2 rauðlaukar, saxaður smátt
2 rauð chili, söxuð smátt
1 gul paprika, skorin í bita
1 rauð paprika, skorin í bita
1 l fiskisoð
4 dl kókosmjólk/rjómi
400 g rjómaostur
1 1/2 dl tómatpúrra
ferskur kóríander (góð handfylli eða tvær), blöðin söxuð
5 hvítlauksrif, pressuð eða söxuð
1 tsk. chili-krydd
1 tsk. engifer
1/2 tsk. cumin
salt og pipar
Aðferð: Laukur, chili og paprika steikt í stórum potti þar til mjúkt. Rjómaosti, fiskikrafti, rjóma, tómatpúrru og kryddum bætt út í. Því næst er kóríander og hvítlauk bætt út í súpuna og suðan látin koma upp. Hrært vel og súpan látin malla í u.þ.b. fimm mínútur. Fisknum bætt út í og súpan látin malla í nokkrar mínútur í viðbót þar til fiskurinn er soðinn í gegn. Súpan er smökkuð til með salti og pipar og er borin fram með góðu brauði.
EFTIRRÉTTUR
Smuldrepai / Mulningspæja
Einfaldasta uppskrift af góðgæti sem hittir alltaf í mark. Hér er hægt að nota það sem til er, rabarbara, epli, perur, ferskjur, plómur, frosin ber o.s.frv. Ég sker oft ávexti sem eru á síðasta snúning í bita og frysti. Þannig tekur enn styttri tíma að skella í þessa hnallþóru.
100 g hveiti (hvað tegund sem er, hvítt, spelt, mjúkt, gróft)
60 g hafragrjón
50 g sykur (púðursykur passar mjög vel, notaðu það sem þú átt til)
75-100 g smjör (skorið í bita, við stofuhita)
Aðferð: Allt sett í skál, ég er vön að fá börnin mín til að sjá um að blanda saman með höndunum, þar til smjörið er komið vel inn í blönduna. Á meðan krakkarnir blanda saman (þ.e.a.s. þegar þau eru búin að ná samkomulagi um hver fái að blanda í þetta sinn) þá græja ég afganginn.
500 g -1 kg af ávöxtum að eigin vali
kanill eftir ósk, ég nota góða gusu
sítrónusafi, smá skvetta
nokkrar döðlur eða 1/2 dl sykur
Aðferð: Allt sett á pönnu, blandað saman og mýkt í nokkrar mínútur. Sett í eldfast mót og svo er mjölblöndunni stráð yfir með fingrunum. Bakað í 20-30 mín.
við 200°C. Ég slumpa yfirleitt á magnið af ávöxtum, blanda oft saman því sem ég á. Það er aldrei of mikið, bara finna hvaða magn þér finnst passa best. Stundum saxa ég súkkulaði, nota rúsínur eða hnetur og strái yfir kökuna áður en hún fer í ofninn. Kakan er borin fram heit/volg med þeyttum rjóma eða vanilluís.
Verði ykkur að góðu!
Herdís skoraði á mömmu sína, Birgittu Pálsdóttur, að taka við matgæðingaþættinum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.