Fiskibátur Steins Kára komið í úrlit á Rás2
Lag Steins Kárasonar "Fiskibátur" er komið í úrslit í sjómannalagakeppni Rásar 2. Lagið syngur ofursjarmurinn Hreindís Ylva Garðarsdóttir Holm en hún söng lag eftir ömmu sína í EVRÓVISJÓN í fyrra. Það er Bjargráðaband Steins sem leikur undir.
Hægt er að hlusta á lögin og kjósa á http://vefir.ruv.is/poppland/sjomannalagakeppni 28. maí - 4. júní.
Á heimasíðu RUV segir:
"Úrslit verða kunngjörð í Popplandi föstudaginn 4.júní. Í fyrstu viku júnímánaðar spilum við lögin sem komast í úrslit, frá morgni til kvölds á Rás 2, og landsmenn geta líka hlustað á lögin á Popplandsvefnum www.ruv.is/Poppland, þar sem hægt verður að kjósa sitt uppáhaldslag frá 28.maí til 4.júní. Sigurlagið verður svo flutt á Hátíð hafsins á Grandagarði, sjómannadagshelgina 5.-6. júní, og mun væntanlega hljóma ótt og títt í útvarpi allra landsmanna í allt sumar."
Tólf laga hljómplata Steins kemur svo væntanlega út um miðjan júní. Söngvarar auk Steins eru Páll Rósinkrans, Hreindís Ylva, Íris Guðmunds, Haukur Hauks, og Guðmundur Ben. Bakraddir syngur Ingi Gunnar Jóhannson.
Fiskibátur
Lag Steinn Kárason, Texti Steinn Kárason / NN, Söngur Hreindís Ylva Garðarsdóttir Holm
- Í gönguferð um kvöld ég fer
- þótt stormur blási á mig.
- Þetta er vetrarkvöld í nóvember
- ég stend hér og hugsa um þig.
- Ég horfi út á hafið
- og sé þig fyrir mér
- þar sem þú ert hjá mér
- og faðmar mig að þér.
- Næðingur og nístingskuldi
- næðir nú um jörð
- Þetta er vetrarkvöld í hríðarbyl
- ég horfi og hugsa um þig.
- Ég stari út á hafið
- og sé þig fyrir mér
- þar sem þú ert hjá mér
- og faðmar mig að þér.
- Siglir í átt til mín fiskibátur,
- ég sé ekki hver það er.
- Ert það kannski þú?
- Já, ég sé það nú.
- Það fer ekki á milli mála.
- Já, ég sé það nú að það ert þú.
- Ég sé að það ert þú.
- Marr í snjónum, snjókorn falla
- á visin sinustrá.
- Þetta er vetrarkvöld í desember
- ég stend hér og umfaðma þig.
- Við horfum út á hafið
- sem hylur þokan grá
- þegar þú ert mér hjá
- og faðmar mig að þér.
Fleiri fréttir
-
Stólarnir tóku fyrsta sigurinn í einvíginu gegn Keflvíkingum
feykir.is Skagafjörður, Íþróttir, Lokað efni 02.04.2025 kl. 23.59Það reyndist raunin, líkt og Feykir hafði bent á í morgun, að Keflvíkingar voru sýnd veiði en ekki gefin. Þeir mættu brattir til leiks í Síkinu í kvöld í fyrstu rimmu deildarmeistara Tindastóls og Suðurnesjapiltanna í einvígi liðanna í átta liða úrslitum Bónus deildar karla. Eftir sveiflukenndan leik þá var það loks í blálokin sem Stólarnir tryggðu sér sigurinn eftir að gestirnir höfðu leitt með fjórum stigum í hálfleik. Lokatölu 94-87 og næst liggur leiðin í Keflavíkina.Meira -
Sögur og sagnir af Skaga og upp til heiða og dala
feykir.is Austur-Húnavatnssýsla, Listir og menning, Lokað efni 02.04.2025 kl. 14.36Skagabyggð fékk á árinu 2024 styrk úr Uppbyggingarsjóði Norðurlands vestra til að safna og taka upp á stafrænt form ýmsar sagnir og fróðleik sem nota mætti í sögutengda ferðaþjónustu. Starfshópur á vegum Skagabyggðar og síðan Húnabyggðar eftir sameiningu, tók upp töluvert efni í viðtölum við fólk sem hafði sögu að segja og fróðleik að miðla.Meira -
Úrslitakeppnin hjá strákunum hefst í Síkinu í kvöld
feykir.is Skagafjörður, Íþróttir, Lokað efni 02.04.2025 kl. 09.04Úrslitakeppnin í Bónus deild karla hefst í kvöld en á Króknum taka deildarmeistarar Tindastóls á móti óútreiknanlegu liði Keflavíkur. Leikurinn hefst kl. 19:00 og má reikna með að stuðningsmenn fjölmenni í Síkið. Lið gestanna rétt skreið inn í úrslit...Meira -
Það fer hlýnandi þrátt fyrir hvíta jörð í morgun
feykir.is Skagafjörður, Austur-Húnavatnssýsla, Vestur-Húnavatnssýsla 02.04.2025 kl. 09.02Það slyddar eða snjóar hér á Norðurlandi vestra fyrri part dags og jörð víðast hvar hvít þegar íbúar opnuðu augun í morgunsárið. Snjóþekja er víða á vegum, skyggni sums staðar ekki gott og því æskilegt að fara að öllu með gát. Unnið er að mokstri á Öxnadalsheiði en færð er fín í Vestur-Húnavatnssýslu þó reikna megi með hálfkublettum. Það dregur úr úrkomunni þegar líður að hádegi.Meira -
Ljóðasöngur í Árskóla
feykir.is Skagafjörður, Listir og menning, Lokað efni 02.04.2025 kl. 08.42Á heimasíðu Árskóla segir af því að Alfreð Guðmundsson, kennari við skólann, hafi gefið út skemmtilega ljóðabók, Dýrin á Fróni, með vísum sem hann orti um íslensku dýrin. Síðastliðinn mánudag mættu hjónin Guðrún Jóhanna Ólafsdóttir mezzósópran og Francisco Javier Jáuregui gítarleikari, sem skipa tvíeykið Dúó Atlantico, í Árskóla og fluttu ljóðin fyrir nemendur mið- og yngsta stigs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.