Fiðringur í kallinum fyrir Skagfirðingakvöldið
Það verður örugglega ekkert leiðinlegt á Spot í Kópavogi annað kvöld þegar Skagfirðingum verður stefnt saman til að tjútta og tralla með öllum helstu tónlistartryllitækjum sem rakið geta ættir sínar í Skagafjörðinn. Þar má nefna til sögunnar Eika Hilmis og Ellert Jóhanns, Sverri Bergmann og Binna E, Fúsalega Helgi, stuðmennin í Von, gleðisveitina Spútnik og sveifluband Geirmundar Valtýssonar. Síðastan en alls ekki sístan skal telja Róbert bakara Óttarsson sem syngur nokkrar nýbakaðar ferskar gamlar lummur við undirspil Spútniks.
Feykir heyrði hljóðið í bakaranum nú skömmu fyrir hádegi og þóttist hann þá kenna til nokkurs stressss og örlítils skjálfta. Hann var þá nýkominn frá því að kjósa utankjörstaðar og tjáði blaðamanni að hátt á þriðja hundrað manns hefði verið búið að kjósa og fannst honum ekki ólíklegt að þetta væri merki um að Skagfirðingar væru margir á leið suður á Skagfirðingakvöld. Kannski.
Róbert undrast frekar þessa framhleypni í sér og skilur ekkert í hvað svona fullorðinn maður sé eiginlega að rembast. Hann hefur sungið opinberlega að meðaltali á 10 ára fresti síðustu 20 árin, fyrst sigraði hann í kareóki-keppni á Barnum, söng þá lagið Honesty sem Billy Joel hamraði saman á píanóið og skellti á breiðskífu sína 52nd Street fyrir rúmum 30 árum.
Ekki hyggst Róbert endurtaka flutninginn á þessari ballöðu, enda stefnt að stuði á Skagfirðingakvöldi og ballöður því nánast á bannlista. Hann ræðst ekki á garðinn þar sem hann er lægstur og mun renna í gegnum örfá lög með meðal annars Queen og George Michael.
-Það er fiðringur í kallinum, sagði Róbert hress að vanda og ekki við öðru að búast en Skagfirðingar taki honum fagnandi annað kvöld.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.