Farskólinn á ferðinni
Þessa vikuna verður Farskólinn á ferðinni um Norðurland vestra með kynningu fyrir fólk sem starfar í iðnaði á sí- og endurmenntun. Blönduós var heimsóttur í gær, Skagaströnd í dag, Hvammstangi á morgun, Sauðárkrókur annað kvöld og Siglufjörður á fimmtudaginn.
Á vef Farskólans eru ferðirnar gerðar upp í lok dags og er ekki annað að sjá en að þær séu bæði skemmtilegar og fræðandi en þar segir.
„Ekki er annað hægt að segja en að veðrið hafi verið gott á Norðurlandi vestra mánudaginn 5. október. Þegar upp á Þverárfjallið var komið blöstu Strandafjöllin við í allri sinni dýrð.
Fyrst var komið við á Þverbraut 1 og drukkið ilmandi kaffi hjá þeim Ásgerði og Stefaníu hjá Samstöðu. Blönduósbær og Húnahreppur hafa komið upp nýju Námsveri á Þverbrautinni og verður þar fullkominn fjarfundabúnaður ásamt tölvum fyrir væntanlega námsmenn sem stunda fjarnám.
Í hádeginu bauð Farskólinn upp á súpu og brauð í Félagsheimilinu fyrir iðnaðarmenn og þá sem hafa hug á því að ná sér í full réttindi í sinni iðngrein. Margrét, náms- og starfsráðgjafi kynnti meðal annars raunfærnimat, en það felur í sér að færni viðkomandi iðnaðarmanns er metin til mögulegrar styttingar á áframhaldandi námi til réttinda. Það kom á óvart að enginn sá sér fært að koma á kynningu Farskólans á Blönduósi, að þessu sinni.
Eftir hádegið var komið við í Grunnskólanum og heilsað upp á starfsfólkið þar. Að vanda fengum við góðar móttökur.
Heilsað var upp á Arnar, bæjarstjóra Blönduóssinga, og fékk hann örstutta kynningu á starfi Farskólans.
Deginum lauk með því að starfsmenn heilsuðu upp á námshópana í Eflum byggð bæði á Blönduósi og Skagaströnd. Ekki var annað að sjá en að hugur væri í námsmönnum við að takast á við verkefni næstu vikna.
Þriðjudaginn 6. október verður Farskólinn á Skagaströnd og verður nánar sagt frá þeirri ferð síðar.“
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.