Evróvisjónlagið verður valið í kvöld
Á meðan landsmenn gera árás á bragðlauka og lyktarskyn yfir þorramatnum í kvöld stíga nokkrir ágætir spariklæddir söngvarar og hljóðfæraleikarar á stokk í Sjónvarpssal og keppa um athygli landans. Evróvisjónframlag Íslands 2010 skal valið í símakosningu og ekki laust við að Skagfirðingar þurfi að slá á þráðinn.
Ef Skagfirðingar hyggjast velja eftir hrepperni koma þrjú lög til greina og því annað hvort að kjósa öll lögin eða velja úr það sem viðkomandi líkar best.
Króksarinn, Dýllarinn og sillfursveinninn Óskar Páll samdi lagið One More Day með hjálp Bubba Morthens en það lag syngur Jógvan Hansen - þó ekki af skagfirskum Hansenum kominn þó eftirnafnið hringi bjöllum. Í samtali við Feyki segist Óskar Páll treysta á sanngjarna þjóðaratkvæðagreiðslu og hvetur vini og vandamenn til að styðja skagfirska útrás og kjósa lagið One More Day.
Rögnvaldur Rögnvaldsson, oft kenndur við gáfur, er fæddur á Marbæli í Óslandshlíð en segir í viðtali í Feyki að hann hafi verið fluttur hreppaflutningum sem barn til Akureyrar en hafi ekki fengið miklu ráðið um þau vistaskipti. Rögnvaldur er bróðir Pálma Rögg. Hann kemur fram í félagi við Hvanndalsbræður sem fara mikinn í laginu Gleði og glens.
Þá geta Skagfirðingar gert tilkall til aðildar að laginu Je Ne Sais Quoi - borið fram Sjenneiseikva. Hera Björk syngur þetta ágæta Júrópopp af krafti en Skagfirðingar horfa vitaskuld til Kristjáns Gísla sem er í frábæru formi í bakrödd og bakraddarhreyfingum. Kristján er líkt og Óskar Páll bæði Króksari og Dýllari en hann hefur einnig verið í hlutverki aðalsöngvara í Júróvisjón fyrir hönd Íslands - tölum ekki nánar um það.
Í Morgunblaðinu í morgun fer Árni Matthíasson músíkspekúlant yfir lögin og hann virðist hrifnastur af framlagi Óskars Páls og Bubba. Þá líst honum ágætlega á lagið The One í flutningi Írisar Hólm. Margir spá hinsvegar lagi Heru Bjarkar áfram sem klárlega er mesta Júrópoppið en aðrir eru hrifnir af gleði og glensi Hvanndalsbræðra.
Það er því útlit fyrir spennandi kvöld í kvöld og þeir sem vilja kynna sér lögin geta smellt sér héðan yfir á heimasíðu keppninnar.
Fleiri fréttir
-
Stólastúlkur með sigur í síðustu umferð Lengjubikarsins
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 17.03.2025 kl. 23.08„Við erum mjög ánægð með leikinn í gær heilt yfir. Fylkir féll í fyrra og hefur misst nokkra öfluga leikmenn en voru þó með hörku leikmenn i gær og úr varð mjög flottur leikur,“ sagði Donni þjálfari Sigurðsson þegar Feykir spurði hann hvað honum hefði fundist um leikinn en lið Tindastóls bar sigurorð af Fylki í lokaumferð riðlakeppni Lengjubikarsins á sunnudaginn. Lokatölur 2-0.Meira -
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.