Enn fjölgar í Hanavinafélaginu
Fjölmennur aðalfundur Hanavinafélagsins Steins, haldinn að Steini, 25. ágúst 2009.
Klukkan 16:30
Fundarstjóri, Gunnar Sandholt formaður, bauð fundarmenn velkomna og kynnti dagskrá.
Dagskrá:
1. Skýrsla stjórnar
2. Reikningar
3. Kosning stjórnar
4. Nýir félagar
5. Önnur mál.
1. Skýrsla stjórnar.
Störf liðins árs voru kynnt á afar sjónrænan hátt, þar sem fundarmenn fóru og kynntu sér hænsnastofna, dverg- og kornhænur, og litu að aðbúnað allan hjá Séra Sandholt og hænunum hans. Að gönguferð lokinni var kaffi og meðlæti gert úr hamingjueggjum lögðum til af áðurnefndum hænum.
2. Reikningar.
Engir reikningar lagðir fram, bornir upp til samþykktar og samþykktir.
3. Kosning stjórnar.
a. Formaður: Formaður má aldrei sitja nema eitt ár í senn. Tilnefnd var sem eftirmaður Gunnars, Sigrún Alda Sighvats. Samþykkt með öllum greiddum atkvæðum
b. Meðstjórnendur: Sindri Már Gústavsson endurkjörinn, þar sem hann er æviráðinn. Fjölgað um einn meðstjórnanda, þar sem Hrefna Guðrún Gústavsdóttir er tilnefnd. sjálfkjörin, einnig æviráðin.
c. Ritari: Steinunn Rósa Guðmundsdóttir situr áfram, þar sem hún er siðgæðisvörður og umsjónarmaður meirihluta stjórnar.
d. Framkvæmdastjóri: Ásgeir Þröstur Gústavsson sjálfkjörinn.
4. Nýir félagar.
7 sóttu um aðild að félaginu á aðalfundi:
Hrefna Guðrún Gústavsdóttir
Jökull Smári Jónsson
Maríanna Margeirsdóttir
Ragnheiður Petra Hjartardóttir
Selma Barðdal
Sigríður Ingólfsdóttir
Þorsteinn Muni Jakobsson
Allir samþykktir sem félagar, og öðlast aðild gildi um leið og stofngjald, 300 krónur hefur borist ritara.
5. Önnur mál.
a. Framkvæmdastjóri kynnti hugmynd að logo fyrir félagið. Samþykkt samhljóða. Fundarstjóri lagði til að logo-ið verði sett á rafrænt form og muni prýða bréfsefni félagsins. Einnig að Helga Bergs félagi komi myndinni í tau-form, á hvern þann hátt sem henni þykir henta.
b. Tillaga um að félagið gerist aðili að ERL- Eigenda- og ræktendafélagi landnámshænsna. Árgjald ERL greiðist með útrásargjaldi, krónur 100 pr. félaga, sem greiðist árlega. Samþykkt.
c. Stígamál. Nýr formaður leggur til að aðgengi til og frá hænsnakofa verði bætt þar sem brekkan frá íbúðarhúsi/fundarstað er frekar brött og ógreiðfær. Sigrún Alda leggur til að gerður verði stígur niður brekkuna, sem verði unninn í áföngum. Gunnar Sandholt býður fram aðstoð Stíga-móta, þar sem hann er hverju horni kunnugur. Samþykkt.
d. Árásir meindýra. Félagsmenn eru ekki ánægðir með að hundar hafa verið að gera óskunda í hænsnaræktinni. Lagt til að hundaeiganda verði skrifað bréf þar sem óskað verði eftir úrbótum á hundahaldi. Gunnar sandholt mun rita bréfið. Samþykkt.
e. Helga Bergsdóttir las gamansögu
f. Fundarstjóri lagði til að hann sjálfur yrði gerður að heiðursforseta félagsins, sem hefði engin völd, en tillögurétt. Samþykkt með meirihluta atkvæða. Skoðunarmaður reikninga á móti.
Ekki fleira gert, fundarstjóri sleit fundi klukkan 17:30
Fundargerð ritaði:
Steinunn Rósa
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.