Enn eitt stórt tap Tindastólsmanna á Suðurnesjum
Á vef Keflavíkur segir af því að Tindastólsmenn fóru fýluferð til Keflavíkur síðastliðinn föstudadag þegar þeir töpuðu fyrir heimamönnum í Toyota Höllinni. Lokatölur leiksins voru 106-79 fyrir Keflavík og sáu Tindastólsmenn vart til sólar í leiknum .
Í lýsingu á leiknum segir: -Keflvíkingar komust yfir í leiknum eftir um eina og hálfa mínútu og héldu þeirri forystu til leiksloka. Leikurinn var í raun einstefna og var Keflavík ávallt með yfirhöndina, en um 10-20 stig skildu liðin af út leikinn. Með sigrinum tókst Keflvíkingum að festa sig í annað sæti deildarinnar með 28 stig, tveimur stigum á eftir toppliði KR.
Hjá Keflavík var Hörður Axel Vilhjálmsson með flottan leik, en hann skoraði 29 stig. Skotnýting hans var mjög góð, en hann var með 83% í 2ja (5/6), 57% í 3ja (4/7) og 100% í vítum (7/7). Að sama skapi var Draelon Burns með fínan leik, en hann skoraði 21 stig, þar af 5 þrista í 10 skotum. Allir leikmenn Keflavíkur skoruðu stig í leiknum. --
Cedric Isom var með 30 stig fyrir Stólana og Donatas Visockis setti 20. Svavar Birgis var í áður óþekktu óstuði í leiknum, tók um 15 skot en setti aðeins niður eitt og það utan 3ja stiga línunnar. Hann gerði því 3 stig í leiknum því ekki var honum einu sinni hleypt á vítalínuna til að laga tölfræðina.
Staða Tindastóls er ekki nógu efnileg í deildinni, liðið er nú í 10. sæti, og ef strákarnir ná ekki að rífa sig upp í næstu leikjum er sæti í úrslitakeppninni úr sögunni. Næsti leikur liðsins er gegn nýkrýndum bikarmeisturum Snæfells hér heima fimmtudaginn 4. mars. Þá þurfa stuðningsmenn Stólanna að koma hressir í Síkið og styðja liðið til sigurs.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.