Enn einn sólardagur
Veit ekki hvað ég á að skrifa, skrifaði svo mikið í gær. Allt er við það sama hér, nema gönguæfingin gæti gengið betur. Skil ekki alveg hvernig Krishna, sú indverska sem ég hef minnst á áður í blogginu mínu, fer að því að labba svona hratt með göngugrindina.
Reyndar kemur hún hingað með spelkur á báðum og í grind, en í æfingunum er hún ekki með neinar spelkur lengur, ótrúlegur bati hjá henni. Bara uppörvandi.
Ég dett stundum í það að spá í hvernig í ósköpunum þetta samfélag hér í Delhí fúnkeri. Hvernig getur eldgamli tíminn lifað svona við hliðinni á nýjustu tækni, hvernig getur maður sem á hjól með kerru haft næga atvinnu við að flytja t.d. steypustyrktarjárnbúnt þegar nóg er til af flutningabílum sem hafa meiri flutningsgetu og hraða og hvaðan kemur allur þessi varningur sem fólk selur hér stanslaust á götunni og mörkuðunum? Mér er þetta svoldið óskiljanlegt ennþá. Ég reyni að ýminda mér að á Króknum væri fólk enn með beljur og búfénað inn á lóðinni sinni og að sumir ækju um í kerru með hest fyrir en aðrir nýjustu jeppunum. Eða t.d. að enn byggju einhverjir í moldarkofum við Skagfirðingabrautina.
Eftir æfingarnar í dag ákváðum við að heimsækja nýjan markað sem er á Janpath götu. Enginn taxi var tiltækur en eftir klukkutíma bið kom gamall hvítur bíll sem einhverntíman hefur þjónað þeim tilgangi að vera sendiráðsbíll enda er hann merktur Ambassy. Veit ekki hvaða tegund þetta er en hann hlýtur að vera frá sirka 1940. Bíllinn var stífbónaður og greinilegt að eigandanum var annt um hann. Þegar ég ætlaði upp í hann sá ég að það myndi nú taka á, sætin voru svo há að ég hefði allt eins getað verið að fara upp í jeppa, en þetta tókst. Ég hef aldrei fyrr séð bíl með alvöru tréinnréttingu í og á brúnunum voru skrautrammar, rétt við höfuðið á mér var lítil vifta, aldrei séð svoleiðis inn í bíl fyrr. Bílstjórinn sem líka var vel við aldur keyrði okkur mjög örugglega á markaðinn sem við þræddum samviskusamlega á enda. Maður er mikið til að sjá sömu hlutina á þessum mörkuðum og allir eru að selja kasmír og silki. En hvað haldið þið, áður en ég vissi af var móðir mín orðin klyfjuð af varningi. Við héldum heim á leið aftur í myrkri og rosalegri umferð, allir vinnandi menn á leið heim um kl. sjö á kvöldin hér í Delhí. Vonandi fáum við þennan bíl og bílstjóra næst þegar við bregðum okkur af bæ sem mér heyrist að verði á morgun. Miss Mollý þarf nefnilega að komast í moll til að kaupa sólvörn og vax á lappirnar.
Fleiri fréttir
-
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira -
Sóttu tuttugu og fimm kindur í Staðarafrétt
feykir.is Skagafjörður, Lokað efni 19.03.2025 kl. 12.00Farið var til eftirleita í Staðarafrétt sl. laugardag og náðust tuttugu og fimm kindur, sem voru víða af upprekstrarsvæðinu. Flestar voru kindurnar úr Hegranesi, eða níu talsins, sjö voru af Reykjaströnd, fimm úr Gönguskörðum, tvær af Langholti, eitt lamb frá Sauðárkrók og eitt úr Húnavatnssýslu.Meira -
Ferðin á Heimsenda frumsýnd á Blönduósi
feykir.is Austur-Húnavatnssýsla, Lokað efni 19.03.2025 kl. 11.50Leikfélagið á Blönduósi frumsýnir 3.apríl nk. barnaleikritið Ferðin á Heimsenda eftir Olgu Guðrúnu Árnadóttur rithöfund. Ferðin á heimsenda er barnaleikrit sem fjallar um ferðalagið á Heimsenda með verndargripinn geislaglóð sem þarf að fylla af sólarorku svo ekki fari illa fyrir álfaheiminum. Leikritið er fullt af ævintýralegum persónum, álfum, galdrakall, ömmu og hetjum. Verkið er sérstaklega skapað fyrir börn og til að börn geti notið þess að vera í leikhúsi og hentar allri fjölskyldunni. Feykir tók tal af Evu Guðbjartsdóttur formanni leikfélagsins á Blönduósi og spurði hana nokkrar spurningar um gang mála.Meira -
Rokkkórinn heimsækir þrjú sveitarfélög
feykir.is Skagafjörður, Vestur-Húnavatnssýsla, Lokað efni 19.03.2025 kl. 11.21Nú næstu daga stendur mikið til hjá Rokkkórnum þegar hann verður með þrenna tónleika í þremur mismunandi sveitarfélögum. Fyrst verða tónleikar í Lindakirkju í Kópavogi þann 22. mars. nk., því næst verða tónleikar í Miðgarði í Skagafirði 27. mars og að lokum í Félagsheimilinu Hvammstanga 29. mars.Meira -
Ríkisábyrgð á 1.490 milljarða króna? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.03.2025 kl. 09.14Tryggð innlán í fjármálastofnunum á Íslandi námu 1.490 milljörðum króna um síðustu áramót samkvæmt upplýsingum frá Tryggingasjóði vegna fjármálafyrirtækja (TVF) sem nemur um þriðjungi vergrar landsframleiðslu á síðasta ári. Tryggð innlán jukust um 131 milljarð króna frá því að staðan var tekin í upphafi síðasta árs. Í byrjun árs 2021 voru tryggð innlán á Íslandi um 1.000 milljarðar króna og hafa þau þannig aukizt um tæplega 50% á einungis síðustu fjórum árum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.