Engin niðurstaða á fundi Leiðar ehf. og Blönduóssbæjar
Þann 1. september sl. funduðu fulltrúar bæjarstjórnar Blönduóss og formaður stjórnar Leiðar ehf., á Blönduósi um hugmyndir félagsins um Svínavatnsleið sunnan Blönduóss og þau ólíku sjónarmið sem uppi eru varðandi hana.
Fram kom hjá bæjarstjórninni andstaða við hugmyndir um gerð vegarins. Var þeim takmörkuðu fjármunum sem gera má ráð fyrir að verði ætlaðir til vegagerðar á næstunni talið betur varið til annarra framkvæmda en vegar þessa leið. Þetta væri byggðamál og mikill meirihluti íbúa Blönduóss vildi áfram að umferðin færi meðfram þéttbýlinu þar. Þar hefði verið byggð upp þjónusta fyrir umferðina og skipti þetta íbúa miklu máli. Sveitarfélagið færi með skipulagsvaldið og það væri nýlunda ef t.d. Vegagerðin hefði afskipti af þeim, segir á vef Leiðar ehf.
Af hálfu Leiðar ehf. var ítrekað að miðað væri við að um væri að ræða einkaframkvæmd þannig að gera mætti ráð fyrir að lítið sem ekkert þyrfti til framkvæmdarinnar af vegafé enda framkvæmdin þjóðhagslega afar arðsöm og ætti að fara langt með að standa undir sér fjárhagslega.
Fengin yrðu lán til framkvæmdarinnar sem greidd yrði með veggjöldum af þeim sem nýttu sér veginn. Þess mætti því vænta að talsvert yrði um að vegfarendur kysu eftir sem áður að aka um Blönduós án þess að þurfa að greiða fyrir það fremur en að greiða hugsanlega 400 til 500 kr. í veggjald til að komast um og því næsta víst að töluverð umferð yrði áfram um Blönduós þótt einhver fjöldi nýtti sér veg hina nýju leið. Auk þess héldi umferð um Þverárfjallsveg að fara áfram um Blönduós.
Allar vegstyttingar væru mikið byggðamál, sem m.a. leiddi til lækkunar flutningskostnaðar og aukins umferðaröryggis og sterkur vilji fulltrúa íbúa við Eyjafjörð og raunar meirihluti landsmanna væri til að stytta leið á þessum slóðum. Einnig var vakin athygli á að gera mætti ráð fyrir að Vegagerðin óskaði eftir að gert yrði ráð fyrir vegi þessa leið í skipulagi á grundvelli 28. gr. vegalaga nr. 80/2007.
Ekki varð nein niðurstaða af þessum fundi en skoðanaskipti voru bæði gagnleg og jákvæð. Af hálfu Leiðar ehf. eru hugmyndir um opinn fund á Blönduósi og er stefnt að honum öðru hvoru megin við mánaðamótin september / október.
/leid.is
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.