Engin aftaka veður í nóvember, segja spámenn Dalbæjar
Fundur Veðurklúbbs Dalbæjar var að þessu sinni haldin í Löngulaut, sem er aðstaða dagdvalar á neðri hæð Dalbæjar, þann 1. nóvember sl. Ellefu aðilar mættu og samræður allar hinar bestu, segir í skeyti spámanna til fjölmiðla.
„Við byrjuðum á að ræða tungl nóvembermánaðar sem kom upp þann 25. október síðastliðinn. Því næst fórum við yfir drauma og aðrar tilfinningar sem gætu bent okkur á möguleg veður næsta mánuðinn, eftir þá samantekt urðum við að mestu leyti sammála um að veðrið í nóvember yrði á margan hátt svipað og í október en þó með minni lofthita eins og árstíminn gefur svo sem til kynna,“ segja spámenn. Einn félaginn telur þó, eftir sínar draumfarir, að í lok nóvember komi einhver smá hvellur en þrátt fyrir það engin aftaka veður.
„Margt annað fór á milli aðila á þessum fundi eins og öðrum en til að halda dulúð klúbbsins áfram gangandi þá munum við að sjálfsögðu ekki gefa allt upp frekar en fyrri daginn, en viljir þú vita meira þá er ekkert annað að gera en að mæta á næsta fund!“
Því næst kemur kveðskapur í lokin, annars vegar sinn hvor eftir Hjálmar Freysteinsson og lokalimra eftir hinn dulúðlega Bjór.
Lognið í Hrútafirði
Í Hrútafirði er himinn blár
og heiðríkt daga alla.
Þar bærist ekki á höfði hár
hafirðu beran skalla.
Í útilegu.
„Ég er komin með hundleið‘ á köllum,
þeirra karlrembutilburðum öllum,“
mælti Halla eitt kvöld,
höstug og köld.
Þá kom Eyvindur alveg af fjöllum.
---
Nóvember trén afklæðir.
Gránar um hóla og hæðir.
Æ, vertu nú blíður
því veturinn bíður
með hækkandi moksturs upphæðir.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.