Elías B Halldórsson - Málverk / svartlist
Á föstudaginn síðastliðinn bauð Sveitarfélagið Skagafjörður fólki á bókarkynningu á Mælifelli í tilefni þess að bók er komin út um listmálarann Elías B Halldórsson sem lengi bjó á Sauðárkróki. Elías var mikilhæfur listmálari og eru verk hans víða að finna jafnt á heimilum fólks, á söfnum eða prýða veggi hinna ýmsu stofnana landsins.
Bókin um Elías B. Halldórsson er yfirgripsmikið verk og var ekkert til sparað við gerð hennar. Mjög víða var leitað fanga við eftirtökur og ljósmyndun listaverka Elíasar svo bókin yrði sem sannastur vitnisburður um þennan fjölhæfa og margslungna listamann.
Bókin er í stóru broti, 240 blaðsíður á vönduðum pappír og ítrustu kröfur gerðar, jafnt við undirbúning, ritun og myndvinnslu sem hönnun, prentun og frágang. Fjöldi fólks hefur lagt hönd á plóg við gerð bókarinnar og haft það að leiðarljósi að hún megi verða sem glæsilegust og bera listamanninum Elíasi B. Halldórssyni fagurt vitni.
Burðarvirki bókarinnar er að sjálfsögðu myndlist Elíasar sem kynnt er í þremur hlutum undir heitunum Maður / Náttúra - Hús / Land og Afstrakt. Umsjón með ljósmyndun verkanna hafði Nökkvi Elíasson.
Aðalsteinn Ingólfsson listfræðingur ritar um feril og myndlist Elíasar í grein sem nefnist Sólbræddir vængir.
Einar Falur Ingólfsson fjallar um ljóða- og bókaskreytingar Elíasar auk þess að rita formála bókarinnar.
Í bókinni er birt smásagan Gamli málarinn eftir Gyrði Elíasson.
Einn þáttur bókarinnar nefnist Viðhorf / Skoðanir en þar er tekið saman það helsta sem Elías lét hafa eftir sér um listina og tilveru listamannsins.
Í ítarlegum bókarauka er að finna margskonar upplýsingar; ævistiklur, ferilskrá, sýningayfirlit og ýmislegt fleira.
Ritstjórn verksins var í höndum sona Elíasar, Sigurlaugs, Gyrðis og Nökkva.
Sigurlaugur Elíasson og Aðalsteinn S. Sigfússon stýrðu hönnun bókarinnar.
Allur texti bókarinnar er bæði á íslensku og ensku. Allan Rettedal og
Sarah Brownsberger sáu um enska þýðingu.
Það er bókaútgáfan Uppheimar sem gefur bókina út.
Fleiri fréttir
-
Rafrænt Sjónhorn kom út í dag
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 13.52Vegna mikillar eftirspurnar var tekin ákvörðun um að gefa út rafrænt eintak af Sjónhorni fyrir Sjónhornþyrsta fólkið á svæðinu. Þetta blað fer því ekki inn um lúgurnar í pappírsformi - það verður einungis hægt að skoða það á netinu. Ástæðan fyrir því að ekki var hægt að gefa út prentað blað er sú að frídagar í þessari viku gerðu það að verkum að ekki var hægt að setja blaðið upp né dreifa því á tilsettum tíma.Meira -
Landsnet með opinn fund í Eyvindarstofu á Blönduósi miðvikudaginn 30. apríl kl. 16
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því.Meira -
Vorfagnaður í Árgerði
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30Laugardaginn 26. apríl nk.kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.Meira -
Prjónagleði 2025 verður haldin frá 30. maí til 1. júní
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.12Helgina 30. maí til 1. júní verður Prjónagleðin haldin í níunda sinn á Blönduósi í Húnabyggð en þessi metnaðarfulla hátíð er ætluð áhugafólki um prjónaskap og handavinnu, byrjendum sem og lengra komnum. Undanfarin ár hefur Textílmiðstöð Íslands í samstarfi við heimamenn og ýmsa prjónasérfræðinga haldið utanum Prjónagleðina en í ár er skipulag og framkvæmd hátíðarinnar í umsjón Húnabyggðar.Meira -
Stóri plokkdagurinn á sunnudaginn, 27. apríl
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 09.30Stóri plokkdagurinn verður haldinn hátíðlegur sunnudaginn 27. apríl næstkomandi og þá plokka landsmenn sem aldrei fyrr. Eftir veturinn bíður okkar heilmikið verkefni við að hreinsa allt sem undan snjónum kom ásamt öllu öðru rusli sem finnst á víðavangi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.