Einleikur með Skottu!
Alþýðudraugurinn Skotta mun láta sjá sig á Hólum í Hjaltadal á Sumarsælu. Sýningarnar verða dagana 28. júní, 30. júní og 2. júlí kl.21.00. Einleikurinn byggist á Skottu sem er alþýðudraugur, hún heldur því fram að hún hafi verið vakin með látum út af einhverjum helvítis ferðamönnum!
Skotta bölvar þeim í sand og ösku en vill þó eyða smá tíma með gestunum og gengur með þeim um svæðið og segir sögur sem eiga að hafa gerst á svæðinu. Þessar sögur eru ekki þær allra fallegustu eða heilögustu. Á meðan Skotta leiðir gestina um svæðið og segir þeim sögur þá á hún til að stríða gestunum, blikka stráka, bölva og koma með andstyggilegar athugasemdir um gestina. Við viljum því vara við því að börn séu send ein á sýninguna. Einleikurinn með Skottu er útileiksýning og hefst fyrir utan Hólaskóla. Einleikurinn sjálfur hefur borist um víðan völl á bæjarhólnum, Fyrir utan Nýabæ, í kringum kirkjugarðinn og í Biskupsgarði, sem er garður fyrir utan Hólaskóla.
Við viljum minna á að þetta er útileiksýning og því er um að gera að klæða sig eftir veðri. Miðaverð eru kr. 1.000- sama verð fyrir börn og fullorðna. Sýningartími er 30-40 mínútur og best er að tryggja sér miða í síma 898 9820.
Fleiri fréttir
-
Góð mæting á kótilettukvöld á Hvammstanga
feykir.is Vestur-Húnavatnssýsla, Listir og menning, Mannlíf, Lokað efni 08.04.2025 kl. 15.02Kótilettukvöld, þar sem safnað var fyrir framkvæmdum við Norðurbraut og Bangsabát, fór fram í Félagsheimilinu á Hvammstanga laugardaginn 5. apríl. Að sögn Guðmundar Hauks Sigurðssonar mættu um 240 manns í veisluna og gæddu sér á ljúffengum kótilettum ásamt meðlæti. Hann segir að safnast hafi á fjórðu milljón króna en nákvæmar tölur liggja ekki fyrir.Meira -
Skagfirðingabók 44 komin út
feykir.is Skagafjörður, Listir og menning, Lokað efni 08.04.2025 kl. 13.19Skagfirðingabók, rit Sögufélags Skagfirðinga, er komið út enn einu sinni. Nú er það 44. bindið sem berst félögum Sögufélagsins en bókin hefur komið út frá árinu 1966 og flutt lesendum sögulegan fróðleik úr Skagafirði. Á kápu segir að nú hafi verið birtar um það bil 460 greinar eftir rúmlega 200 höfunda á meira en 8.600 blaðsíðum í bókunum 44. Að venju er bókin fjölbreytt að efni en Feykir spurði Hjalta Pálsson út í nýjustu bókina.Meira -
Viggó Jónsson hlaut Starfsbikar UMFT
feykir.is Skagafjörður, Íþróttir, Mannlíf, Lokað efni 08.04.2025 kl. 11.03Aðalfundur Aðalstjórnar Ungmennafélagsins Tindastóls fór fram mánudaginn 31. mars í Húsi Frítímans á Sauðárkróki. Þar fór fram hefðbundin dagskrá aðalfundar samkvæmt lögum félagsins. Á fundinum var veitt sérstök viðurkenning og Starfsbikarinn fyrir óeigingjarnt og öflugt sjálfboðaliðastarf. Féll sá heiður í hlut Viggós Jónssonar.Meira -
Kiwanismenn í nýju húsnæði
feykir.is Skagafjörður, Lokað efni 08.04.2025 kl. 09.40Nýtt húsnæði undir starfsemi Kiwanisklúbbsins Drangey í Skagafirði var tekið í notkun á dögunum en þeir félagar festu kaup á neðri hæð að Aðalgötu 14, þar sem Blómabúðin var. Félagið hefur verið húsnæðislaust í talsverðan tíma og er því stórum áfanga náð með þessum kaupum. Félagarnir í klúbbnum eru núna 22 og hafa þeir unnið hörðum höndum sl. vikur við að standsetja og gera fínt innandyra ásamt því að merkja húsið að utan. Allt þetta náðist fyrir 800 fundinn sem haldinn var þann 26. mars sl. en félagið var stofnað árið 1978.Meira -
Ríkisstjórnin samþykkir stuðning til bænda vegna kuldatíðar síðasta sumar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.04.2025 kl. 09.12Ríkisstjórnin hefur samþykkt tillögu Hönnu Katrínar Friðriksson atvinnuvegaráðherra um að verja allt að 725 milljónum króna til stuðnings við bændur sem urðu fyrir tjóni vegna óvanalegs og erfiðs tíðarfars á landinu sumarið 2024. Í frétt á Húnahorninu segir að síðasta sumar hafi verið óvenju kalt eða það kaldasta á landsvísu síðan árið 1998 samkvæmt Veðurstofunni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.