Dýrt spaug Akureyrings - Hrekkur sem gekk fulllangt
Þrátt fyrir að erfitt sé að setja verðmiða á spaug Akureyringa í skemmtiferð nú á laugardag er ljóst að óbeinn kostnaður við grínið er mikill.
-Það er í raun alveg útilokað að skjóta á beinan kostnað við þetta en við þurftum að kalla út tvo lögregluþjóna sem voru í fríi. Sjálfur var ég í Reykjavík og var lagður af stað norður, dýralæknir á Húsavík var lagður af stað. Skytturnar voru komnar í útigallann og maður frá Umhverfisstofnun var ræstur úr helgarfríi og í vinnu, segir Stefán Vagn Steánsson, yfirlögregluþjónn á Sauðárkróki aðspurður um kostnaðinn við spaug Oddfellowa á ferðalagi nú á laugardag.
Sigurður Guðmundsson, verslunarmaður segist einn bera ábyrgð á hrekknum en á myndum má sjá aðra meðlimi ferðarinnar stilla sér upp fyrir myndatöku og var greinilega allt gert til þess að láta hrekkinn vera sem raunverulegastan. -Þeir vissu ekkert hvað ég ætlaði að gera við myndirnar við vorum í pissustoppi upp á Öxnadalsheiði og ég kem stórum bangsa fyrir þarna við ánna og bað menn a stilla sér upp á mynd, segir Sigurður Guðmundsson í samtali við Feyki núna í morgun.
Aðspurður um hvað hann vilji segja við þá sem kallaðir voru úr sínum frítíma til vinnu sökum hrekksins segist Sigurðru vilja biðja þá afsökunar. -Þetta var hrekkur sem gekk fulllangt, ég viðurkenni það. En menn verða líka að hafa smá húmor. Hér er allt í rúst og þetta átti að vera smá spaug til að létta mönnum lífið. Það má ekki fara alveg á taugum þó svo að menn séu plataðir pínulítið, segir Sigurður að lokum.
Fleiri fréttir
-
Sögur og sagnir af Skaga og upp til heiða og dala
feykir.is Austur-Húnavatnssýsla, Listir og menning, Lokað efni 02.04.2025 kl. 14.36Skagabyggð fékk á árinu 2024 styrk úr Uppbyggingarsjóði Norðurlands vestra til að safna og taka upp á stafrænt form ýmsar sagnir og fróðleik sem nota mætti í sögutengda ferðaþjónustu. Starfshópur á vegum Skagabyggðar og síðan Húnabyggðar eftir sameiningu, tók upp töluvert efni í viðtölum við fólk sem hafði sögu að segja og fróðleik að miðla.Meira -
Úrslitakeppnin hjá strákunum hefst í Síkinu í kvöld
feykir.is Skagafjörður, Íþróttir, Lokað efni 02.04.2025 kl. 09.04Úrslitakeppnin í Bónus deild karla hefst í kvöld en á Króknum taka deildarmeistarar Tindastóls á móti óútreiknanlegu liði Keflavíkur. Leikurinn hefst kl. 19:00 og má reikna með að stuðningsmenn fjölmenni í Síkið. Lið gestanna rétt skreið inn í úrslit...Meira -
Það fer hlýnandi þrátt fyrir hvíta jörð í morgun
feykir.is Skagafjörður, Austur-Húnavatnssýsla, Vestur-Húnavatnssýsla 02.04.2025 kl. 09.02Það slyddar eða snjóar hér á Norðurlandi vestra fyrri part dags og jörð víðast hvar hvít þegar íbúar opnuðu augun í morgunsárið. Snjóþekja er víða á vegum, skyggni sums staðar ekki gott og því æskilegt að fara að öllu með gát. Unnið er að mokstri á Öxnadalsheiði en færð er fín í Vestur-Húnavatnssýslu þó reikna megi með hálfkublettum. Það dregur úr úrkomunni þegar líður að hádegi.Meira -
Ljóðasöngur í Árskóla
feykir.is Skagafjörður, Listir og menning, Lokað efni 02.04.2025 kl. 08.42Á heimasíðu Árskóla segir af því að Alfreð Guðmundsson, kennari við skólann, hafi gefið út skemmtilega ljóðabók, Dýrin á Fróni, með vísum sem hann orti um íslensku dýrin. Síðastliðinn mánudag mættu hjónin Guðrún Jóhanna Ólafsdóttir mezzósópran og Francisco Javier Jáuregui gítarleikari, sem skipa tvíeykið Dúó Atlantico, í Árskóla og fluttu ljóðin fyrir nemendur mið- og yngsta stigs.Meira -
Fáliðaðar Stólastúlkur áttu ekki roð í Íslandsmeistarana
feykir.is Skagafjörður, Íþróttir, Lokað efni 01.04.2025 kl. 09.37Úrslitakeppnin í Bónus deild kvenna hófst í gærkvöldi og lið Tindastóls sótti þá Íslandsmeistara Keflavíkur heim. Israel og Hlynur mættu með aðeins átta stúlkur til leiks en meðal annars vantaði bæði Ilze og Rannveigu í hópinn en þær voru veikar. Heimaliðið byrjaði vel og hleypti gestunum í raun aldrei inn í leikinn. Staðan í hálfleik var 46-33 en lokatölur 91-62.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.