Draumaprinsinn þarf að vera vel fjáður, ekki af sauðfé, ég á nóg af svoleiðis!
Það ráku eflaust margir lesendum Bændablaðsins upp stór augu þegar þeir lásu blað vikunnar sem kom út í gær, fimmtudaginn 11. júlí, því á bls. 7 er heilsíðu ,,auglýsing" með einstæðum bændum. Tilgangur síðunnar er að finna draumamaka fyrir þessa flottu bændur en þarna var allavega eitt mjög kunnuglegt andlit á ferðinni. Sigríður Ólafsdóttir, sauðfjárbóndi í Víðidalstungu í Húnaþingi vestra og ráðunautur hjá RML, var þar á meðal. Feykir var fljótur að senda henni nokkrar spurningar sem að sjálfsögðu tók vel í.
Hvernig kom það til að þú varst valin í þetta skemmtilega verkefni? ,,Blaðamaður Bændablaðsins hafði samband og spurði hvort ég væri til í að vera með, mér fannst þetta skemmtileg hugmynd og sagði já. Bænder er miklu skemmtilegra en Tinder :)"
Það er nú ekki langt síðan blaðið kom út en hefur þú fengið viðbrögð við auglýsingunni? ,,Eitthvað aðeins já, er samt ekki búin að fá afrit af bankabókinni hjá neinum enn :)"
Hver er þín uppskrift af draumamaka? ,,Mér var alveg fúlasta alvara með lýsingunni sem kom á Bænder sko :)"
Til fróðleiks þá segir hún í Bændablaðinu að draumaprinsinn er vel fjáður (ekki af sauðfé, ég á nóg af svoleiðis), hjartahlýr og huggulegur herramaður sem er ekki morgunfúll (ég sé um það).
En hvað er svo verið að bralla þessa dagana? ,,Núna er ég að klára uppsóp af verkefnum í vinnunni áður en ég fer í sumarfrí."
Skrítin spurning því ég veit að bændur fá yfirleitt ekki mikið frí nema að bregða sér af bæ en á að taka sér eitthvað sumarfrí? ,,Já, tek frí núna fram yfir verslunarmannahelgi hjá RML. Ætla að dunda eitthvað í búskapnum, liggja í leti og hugsanlega ferðast eitthvað."
Feykir þakkar henni fyrir skjót viðbrögð og vonast til að hún finni draumaprinsinn á næstunni til að liggja í leti með og kannski ferðast smá með:)
Fleiri fréttir
-
Nóg um að vera sl. viku á Hlíðarendavelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 08.08.2024 kl. 12.45Það hefur verið nóg um að vera á golfvellinum á Króknum sl. viku en Opna Steinullarmótið fór fram í blíðskaparveðri laugardaginn 3. ágúst, 8. Hard Wok háforgjafarmótið var haldið á þriðjudaginn og Esju mótaröðin var haldin í gær, miðvikudag. Það er svo ekkert lát á því í dag fer fram styrktarmót fyrir Önnu Karen og svo er Norðurlandsmótaröðin fyrir ungu kylfingana á sunnudaginn.Meira -
Nýir þjálfarar kynntir í yngri flokka starfi Tindastóls
feykir.is Skagafjörður, Íþróttir 08.08.2024 kl. 12.08Á Facebooksíðu Unglingaráðs körfuknattleiksdeildar Tindastóls voru kynntir nýir þjálfarar fyrir veturinn 2024-2025. Allt eru þetta andlit sem Tindastólsaðdáendur þekkja vel og verður gaman að fylgjast með yngri flokkunum í vetur. Það sem kemur skemmtilega á óvart er að Kári Marísson er kominn aftur í þjálfarastöðuna. Hann mun halda utan um æfingar fyrir 1. - 4. bekk en áður vann Kári sem húsvörður í Árskóla og þekkir því þessa litlu körfuboltasnillinga mjög vel.Meira -
Flemming-púttmót á Hvammstanga
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.08.2024 kl. 12.00Föstudaginn 26. júlí á héraðshátíð Vestur-Húnvetninga – Eldur í Húnaþingi - fór fram í fjórtánda sinn púttmót Flemming Jessen sem hefur staðið að þessu móti með hjálp góðra vina á Hvammstanga frá 2011. Aðstaða til keppni var sæmileg, smá rekja og völlur nokkuð loðinn, en þátttakendur létu það ekki á sig fá. Að þessu sinni var þátttaka lítil, en þeir sem mættu skemmtu sér vel í leiknum og nutu smá hressinga sem í boði voru. Leiknar voru 2 x 18 holur alls 36.Meira -
Skotfélagið Markviss með sitt fyrsta Viking Cup mót
feykir.is Skagafjörður, Austur-Húnavatnssýsla, Vestur-Húnavatnssýsla 08.08.2024 kl. 11.13Um verslunarmannahelgina fór fram fyrsta "Viking Cup" mótið í Norrænu Trappi. Um er að ræða keppni milli Skotfélaganna Markviss og Eysturskot frá Færeyjum. Hugmyndin að mótinu kviknaði í spjalli milli tveggja félagsmanna úr sitthvoru félaginu fyrir nokkru síðan og varð loks að veruleika nú í ár.Meira -
Orkusetur Orkustofnunar auglýsir eftir styrkumsóknum
feykir.is Skagafjörður, Austur-Húnavatnssýsla, Vestur-Húnavatnssýsla 08.08.2024 kl. 11.07Athygli er vakin á styrkjamöguleika til kaupa á sólarsellum hjá Orkusetri Orkustofnunar. Um samkeppnissjóð er að ræða, við val á umsóknum er horft til verkefna þar sem notkun og framleiðslugeta fara hvað best saman. Styrkurinn nemur aldrei meira en 50% af efniskostnaði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.