Byggðasafn Húnvetninga og Strandamanna gefur út Ævisögu asks
Ævisaga asks – A journey of a driftwood (ferðalag rekaviðar) er nafnið á litabók sem Byggðasafn Húnvetninga og Strandamann gaf út nú í sumar. Þar er velt fyrir sér hvaða sögu gamall askur hefði að segja ef hann gæti tjáð sig; smíðaður úr rekaviðardrumbi sem gæti rakið sögu sína heim til Síberíu þar sem ferðalag hans hófst. Það er Gunnar Rögnvaldsson á Löngumýri sem skrifar texta bókarinnar en Sigríður Ævarsdóttir gerði myndirnar sem prýða hana.
Gunnar, sem er alinn upp á Hrauni á Skaga þar sem rekaviðurinn hefur verið nýttur um áranna rás, starfaði sem forstöðumaður safna í Húnaþingi vestra á síðasta ári og fram á vor 2022. Í kjölfar vel heppnaðrar dagskrár Byggðasafns Húnvetning og Strandamanna á vegum Menningarminjastofnunar Evrópu sem haldin var á safninu, þar sem rekaviður, farleiðir hans og nýting voru í forgrunni, hélt stofnunin samkeppni um sögur af þeim viðburðum sem það stóð að og haldnir voru víðs vegar um Evrópu 2021.
Gunnar samdi ævintýrafrásögn af furutré sem óx upp á bökkum fljóts í Síberíu. „Í sögunni rifnaði það upp og féll í ána og barst þaðan með hafstraumum og hafís upp að norðurströndum Íslands þar sem menn höfðu aldrei séð jafn stórt rekaviðartré. Endaði það síðan sem margvíslegir smíðisgripir, m.a. askur sem í þessu tilviki segir söguna. Út frá þessari frásögn kom hugmynd að litabókinni þar sem gerð er tilraun til að draga fram vægi rekaviðar í sögu, afkomu og handverki í skóglitlu landi og um leið vitund fólks um tilurð og nýtingu fjölmargra safngripa sem áður höfðu daglegt notagildi,“ sagði Gunnar þegar Feykir forvitnaðist um hugmyndina að litabókinni. Hann segir fólk í dag geri sér ekki grein fyrir mikilægi rekaviðarins og hvað hann kom að miklu gagni og litabókin sé tilraun til að varpa ljósi á þá sögu og vekja um leið áhuga hjá ungum sem öldnum á þessari merkilegu sögu.
Gunni og Benjamín Kristinsson myndskreyttu baksíðu bókarinnar. Bókin var sett upp og prentuð hjá Nýprenti á Sauðárkróki en hana má nálgast hjá Byggðasafni Húnvetninga og Strandamanna á Reykjum í Hrútafirði og einnig hjá Byggðasafni Skagfirðinga í Glaumbæ. Bókin er tvítyngd, er bæði á íslensku og ensku. Ekki þurfa allir að nota hana sem litabók, hún stendur fyrir sínu sem sögubók líka. Safnaráð og Sóknaráætlun Norðurlands vestra styrktu útgáfuna.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.