Búðingar og Buff-stroganoff
Matgæðingurinn í tbl 18 í fyrra, 2021, var Birgitta Pálsdóttir á Sauðárkróki sem tók áskorun elskulegrar dóttur sinnar, Herdísar Pálmadóttur. Birgitta starfaði sem ljósmóðir hjá HSN í mörg ár en er nú iðin fyrir Félag eldri borgara á Króknum. Birgitta segist vera orðin afar löt við að matbúa, finnst leiðinlegt að elda handa þeim hjónakornunum, en slær gjarnan upp veislu ef von er á fleirum til að snæða.
„Læt fylgja einfaldar uppskriftir sem hafa fylgt mér, einfalt og gott stroganoff og ódýran og góðan súrmjólkurbúðing sem alltaf hefur verið vinsæll á mínu heimili. Og þar sem við erum mikið eftirréttafólk læt ég einnig fylgja með eftirrétt sem meira er borið í en hinn einfalda súrmjólkurbúðing.”
RÉTTUR 1
Buff-stroganoff
400 g beinlaust nautakjöt
1 laukur
200 g ætisveppir, ferskir
2 msk. smjör
1 tsk. salt
½ tsk. pipar
2 msk. tómatkraftur
2 dl rauðvín, áfengt eða óáfengt
1-2 dl rjómi
Aðferð: Kjötið skorið í ½ -1 sm þykkar ræmur og laukurinn saxaður smátt. Sveppirnir skornir í sneiðar að endilöngu. Kjötið brúnað á pönnu, laukur og sveppir látið saman við og allt brúnað dálitla stund. Kryddað. Tómatkraftur og rauðvín út í. Öllu blandað vel saman, lok sett á pönnuna og látið sjóða í 6-10 mínútur. Rjómanum bætt í, suðan látin koma aftur upp. Tilbúið. Borið fram með hrísgrjónum, grænu salati og snittubrauði.
RÉTTUR 2
Súrmjólkurbúðingur
6 dl súrmjólk
2 ½ dl rjómi
6 blöð matarlím
2 msk. sykur
2 tsk. vanilla
1 tsk. sítrónusafi
Aðferð: Matarlímið lagt í kalt vatn, rjóminn þeyttur. Súrmjólk, sykur, vanilla og sítróna þeytt saman. Matarlímið brætt í vatnsbaði, síðan kælt og þynnt með 1 msk. af köldu vatni, hrært út í súrmjólkina og rjómanum síðan bætt við. Setja má ávexti, ferska eða niðursoðna, í botn á skál og setja búðinginn yfir. Ávaxtagrautur, ávaxtamauk og jafnvel kirsuber einnig gott, allt eftir smekk og efnum.
RÉTTUR 3
Veislubúðingur Birgittu - (Hátíðarréttir 1998)
16 makkarónukökur
0,8 dl sérrý eða portari
1 heildós apríkósur eða ferskjur
200 g hindber frosin (sleppi þeim stundum)
Aðferð: Makkarónurnar muldar ofan í átta desertskálar eða í botn á stórri skál. Kökurnar bleyttar með sérrýinu. Hindber og apríkósur ofan á.
Vanillukrem:
5 eggjarauður
100 g sykur
2 tsk. vanilla
3 matarlímsblöð
½ líter rjómi.
Aðferð: Eggjarauður, sykur og vanilla þeytt létt og ljóst. Matarlímið lagt í bleyti í kalt vatn, síðan brætt í vatnsbaði, síðan kælt með 1-2 msk. af ávaxasafanum af apríkósunum. Hrært saman við eggjarauðublönduna, varlega í mjórri bunu. Rjómanum sem þeyttur hefur verið er nú blandað saman við kremið, varlega hrært í með sleif eða sleikju. Síðan er kreminu hellt yfir makkarónublönduna annað hvort í desertskálar eða stóra skál. Kælt í a.m.k. 2 klst. í ísskáp áður en borið er fram. Klikkar ekki þessi.
Verði ykkur að góðu! Bon appetit!
Sendi svo boltann á Júlíu dóttur mína elskulega, ég veit að hún lumar á einhverju góðu, segir Birgitta.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.