Borgarafundur ályktar
-Ég er mjög ánægður með mætinguna og stemminguna á fundinum. Það var gott að fá framsögur frá forsvarsmönnum stofnanna og sjónarmið íbúa og þá var líka fínt að þingmenn okkar mættu á svæðið og fengu skilaboðin frá fundinum milliliðalaus.
-Það styrkir líka þennan fund að hann skildi verða skipulagður af þeim stjórnmálaflokkum sem eiga þingmenn og sveitarstjórnarmenn hjá okkur, það undirstrikar það að samstaða á svæðinu skiptir öllu máli, segir Áskell Heiðar Ásgeirsson fundarstjóri og einn skipuleggjanda borgarafundarins sem haldinn var á Sauðárkróki í gær. Í lok fundar var samþykkt eftirfarandi ályktun:
Ályktun borgarafundar vegna fyrirhugaðra skerðinga á fjárframlögum til opinberra stofanna í Skagafirði.
Borgarafundur, haldinn á Sauðárkróki 27. október 2009, mótmælir harðlega fyrirhuguðum skerðingum á fjárframlögum til opinberra stofnana í Skagafirði og þeirri fækkun starfa sem af þeim munu leiða, án þess að sýnt sé að af þeim hljótist raunverulegur sparnaður.
Er þar sérstaklega átt við boðaðar, en lítt útfærðar, kerfisbreytingar er m.a. varða Sýslumannsembætti og löggæslu á Sauðárkróki og Héraðsdóm Norðurlands vestra, auk harkalegra niðurskurðartillagna er varða Heilbrigðisstofnunina á Sauðárkróki og Fjölbrautaskóla Norðurlands vestra.
Verði áðurnefnd starfsemi sem og önnur opinber þjónusta s.s. menntun, skert eða lögð niður í Skagafirði grefur það undan mikilvægu þjónustuhlutverki svæðisins um leið og það dregur úr fjölbreytni í atvinnulífi á svæðinu.
Niðurskurður sem þessi eykur miðstýringu frá höfuðborgarsvæðinu og viðheldur öfugþróun undanfarinna ára þar sem ríkisrekstur blés út á því svæði á meðan umsvif hins opinbera í besta falli stóðu í stað út um land. Nú frekar en nokkru sinni er nauðsynlegt að nýta slagkraft landsbyggðarinnar sem er vel í stakk búin til að koma að endurreisn þeirri sem nú stendur yfir. Í Skagafirði eru fjölmörg sóknarfæri m.a. á sviði undirstöðuatvinnugreina þjóðarinnar. Þannig gæti Skagafjörður ásamt öðrum vaxtarsvæðum landsbyggðarinnar gegnt lykilhlutverki í endurreisn íslensks samfélags.
Borgarafundur, haldinn á Sauðárkróki 27. október 2009 hvetur fulltrúa ríkisvaldsins til að taka höndum saman við heimaaðila og nýta sóknarfæri svæðisins í stað þess að vega að undirstöðum opinberrar þjónustu.
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.