Blikarnir stöðvuðu Stólana
Ekki náðu Tindastólsmenn að fylgja eftir sigrinum á Hamri þegar þeir mættu liði Breiðabliks í Iceland Express deildinni í Kópavoginum í gærkvöldi. Leikurinn var jafn og spennandi en heimamenn voru skrefinu á undan á lokakafla leiksins og fögnuðu að lokum 8 stiga sigri, 85-77.
Tindastólsmenn hófu leikinn með látum en Blikarnir laumuðu sér inn í leikinn og jöfnuðu 10-10 eftir að Stólarnir höfðu komist í 0-8 og að loknum fyrsta leikhluta höfðu heimamenn fjögurra stiga forystu, 21-17. Annar leikhluti þróaðist líkt og sá fyrsti en með öfugum formerkjum; nú voru það Blikar sem náðu átta stiga forystu en Stólarnir komu sér inn í leikinn eftir að kviknaði á Cedric Isom og leiddu í hléi, 41-44.
Stólarnir náðu sjö stiga forystu, 50-57, í þriðja leikhluta en þá kom slæmur kafli þar sem heimamenn gerðu 17 stig á meðan Stólarnir settu þrjú stig. Þar með voru heimamenn komnir 7 stigum yfir og þá forystu létu þeir aldrei af hendi. Stólarnir gerðu sig seka um að ætla Isom að bjarga því sem bjargað varð en þótt kappinn stæði vel fyrir sínu og setti 32 stig í leiknum þá dugði það ekki til. Aðeins byrjunarliðsmenn Tindastóls skoruðu í leiknum og það er auðvitað ekki gott mál. Síðustu mínútur leiksins voru æsispennandi en Blikar héldu því miður haus og lönduðu sigri sem fyrr segir.
Baráttan um sæti í úrslitakeppninni virðist ætla að verða æsispennandi. FSu situr eitt liða eftir á botni deildarinnar en liðin fimm í 7. til 11. sæti eiga öll möguleika á þeim tveimur sætum sem virðast laus í úrslitakeppninni (ef við gefum okkur að sex efstu liðin eru örugg inn). Bæði Fjölnir og Breiðablik hafa styrkt sig sem og Stólarnir og spurning hvort Hamar og ÍR standist pressuna.
Í samtali við Feyki sagði Karl Jónsson þjálfari Tindastóls: „Við vissum að sóknarleikurinn okkar yrði stífur þar sem við höfum bara haft eina æfingu til að fara yfir sóknir okkar gegn maður á mann vörn með nýju mönnunum, þannig að við ætluðum að leggja áhersluna á varnarleikinn í staðinn og ef menn hefðu gert það sómasamlega og mætt í baráttuhug, þá hefði sigur unnist. Menn voru hins vegar andlausir í vörninni og lítið um aðstoð og frumkvæði þar og því fór sem fór og ég var mjög svekktur að leikslokum, því þessi leikur hefði fleytt okkur upp í áttunda sætið sem hefði verið mikilvægur áfangi hjá okkur. En það þýðir ekkert að leggjast í kör, nú höfum við viku í næsta leik og sú vika verður vel nýtt á báðum endum vallarins“.
Næsti leikur Tindastóls er hér heima mánudaginn 15. febrúar en þá kemur spútniklið Stjörnunnar í heimsókn.
Stig Tindastóls: Isom 32, Svavar 18, Helgi Rafn 15, Visockis 8 og Axel 4.
Fleiri fréttir
-
Stólastúlkur með sigur í síðustu umferð Lengjubikarsins
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 17.03.2025 kl. 23.08„Við erum mjög ánægð með leikinn í gær heilt yfir. Fylkir féll í fyrra og hefur misst nokkra öfluga leikmenn en voru þó með hörku leikmenn i gær og úr varð mjög flottur leikur,“ sagði Donni þjálfari Sigurðsson þegar Feykir spurði hann hvað honum hefði fundist um leikinn en lið Tindastóls bar sigurorð af Fylki í lokaumferð riðlakeppni Lengjubikarsins á sunnudaginn. Lokatölur 2-0.Meira -
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.