Bleikur október
Krabbameinsfélag Skagafjarðar hefur frá byrjun tekið þátt í árveknisátaki októbermánaðar og lýst hinar ýmsu byggingar bleikar. Í ár er Heilbrigðisstofnunin, Sauðárkrókskirkja og Ólafshús lýst bleik. Auk þess býðst fólki að fá bleika filmu hjá félaginu ef það vill lýsa sín hús.
Föstudagurinn 16. október er bleiki dagurinn og af því tilefni ætlar Ólafshús að styrkja Krabbameinsfélag Skagafjarðar um 500 kr af hverri seldri 16 tommu pizzu sem pöntuð er þann daginn og Hótel Varmahlíð ætlar að gefa öllum gestum Hrossablótsins eina bleika rós og styrkir Krabbameinsfélagið um andvirði rósanna.
Krabbameinsfélag Skagafjarðar þakkar allan stuðninginn og velvildina sem Skagfirðingar hafa sýnt félaginu alla tíð og má þar á síðustu árum nefna áheitahlaup Varmahliðarskóla þar sem söfnuðust miklar upphæðir og söfnun Kiwanisklúbbins Drangeyjar fyrir nýjum ristilspeglunartækjum sem gekk ótrúlega vel. Nú í haust gaf Lionsklúbburinn Björk félaginu ágóðann af plastpokasölunni.
Félagsgjöld Krabbameinsfélags Skagafjarðar og sala minningarkorta eru fastir liðir í tekjuöflun félagsins. Ef einhver vill gerast félagi má senda tölvupóst á mreykdal@simnet.is eða helgas@vis.is . Árgjaldið er 1500 kr sem er innheimt annað hvert ár.
Krabbameinsfélag Skagafjarðar hefur notað fjármuni sína til að styðja við krabbameinssjúklinga og aðstandendur þeirra á marga vegu. Félagið er með starfsmann í 20% stöðu sem hægt er að ná sambandi við í síma 453-6030 og 863-6039 og fá ráðgjöf og stuðning eftir þörfum. Krabbameinsfélag Skagafjarðar hefur meðal annars greitt húsaleigu fyrir sjúklinga sem þurfa að dvelja fjarri heimilum sínum vegna meðferða, hvort heldur sem er í Reykjavík eða á Akureyri.
Félagið styrkir starfsemi Dugs, félags krabbameinssjúklinga og aðstandenda þeirra en Dugur stendur fyrir samverustundum síðasta fimmtudag í hverjum mánuði. Auk þess eiga krabbameinssjúklingar og aðstandendur kost á fimm fríum sálfræðitímum. Loks má nefna að annað og þriðja hvert ár hefur Krabbameinsfélag Skagafjarðar boðið upp á námskeið fyrir nýgreinda og aðstandendur þeirra þar sem farið er yfir ferlið frá greiningu, meðferð og endurhæfingu frá hinum ýmsu hliðum.
María Reykdal
Fleiri fréttir
-
Grunnskóli Húnaþings vestra tekur þátt í hæfileikakeppninni Fiðringurinn
feykir.is Austur-Húnavatnssýsla, Vestur-Húnavatnssýsla, Lokað efni 23.04.2025 kl. 09.05Þann 7. maí nk. fer fram hæfileikakeppnin Fiðringurinn á Norðurlandi sem er fyrir nemendur í 8.-10. bekk og er í anda Skrekks í Reykjavík og Skálftans á Suðurlandi. Er þetta í fjórða sinn sem þessi keppni fer fram og verður hún haldin í Hofi á Akureyri. Í ár taka tíu skólar þátt og er Grunnskóli Húnaþings vestra einn af þeim en þetta er í fyrsta skipti sem skólinn tekur þátt og einnig sá eini frá Norðurlandi vestra. Það eru Samtök sveitarfélaga á Norðulandi eystra og Menningarfélag Akureyrar sem styrkja þetta verkefni.Meira -
Styrkir til að fjölga óstaðbundnum opinberum störfum á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.04.2025 kl. 08.32Byggðastofnun auglýsir styrki til að fjölga óstaðbundnum opinberum störfum á landsbyggðinni. Í tilkynningunni segir að aðgerð B.7. á byggðaáætlun hefur það markmið að búsetufrelsi verði eflt með fjölgun atvinnutækifæra og auknum fjölbreytileika starfa á landsbyggðinni. Þannig geta ríkisstofnanir nú sótt um styrki til að fjölga óstaðbundnum opinberum störfum.Meira -
Elís og Hafdís voru fyrst til að ná mynd af lóunni í ár
feykir.is Austur-Húnavatnssýsla, Vestur-Húnavatnssýsla, Lokað efni 22.04.2025 kl. 14.07Sveitarfélagið Skagaströnd efndi til ljósmyndasamkeppni þar sem leikskólabörn og krakkar í 1.-4. bekk í grunnskólanum á Skagaströnd voru hvött til þess leita að fyrstu lóunni og ná af henni mynd. Það er ekki annað að sjá en að lóan sé mætt í allri sinni dýrð á Skagaströnd, segir á heimasíðu sveitarfélagsins.Meira -
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að kaupa miða inni á tix.is en þegar þeir mæta á sýninguna þurfa þeir að tilkynna sig í miðasölunni og láta haka við sig. Stjórn Verslunarmannafélagsins verður svo í sambandi við þá aðila sem nýttu sér miðann til að endurgreiða miðakaupin.Meira -
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.