Bjartsýnir á Koltrefjaverksmiðju eftir 1 - 3 ár
Forsvarsmenn UB koltrefja í Skagafirði segjast enn vera vongóðir um að hægt verð að reisa koltrefjaverksmiðju í Skagafirði en staða á heimsmarkaði er hins vegar sú að ekki verður raunhæft að hefja framkvæmdir fyrr en eftir eitt til þrjú ár.
Feykir.is náði tali af Snorra Styrkárssyni forsvarsmanni verkefnisins en Snorri er staddur í Víetnam.
Hver er staðan á koltrefjaverkefninu (UB koltrefjar og Skagafjörður)
-Við lögðum af stað í þessa vinnu 2008 og ætluðum okkur ár í að komast að niðurstöðu um hvort fýsilegt væri að reisa slíka verksmiðju í Skagafirði. Okkar áætlanir hafa gengið þokkalega og við höfum náð umtalsverðum árangri í þekkingu á þessu sviði auk mjög vænlegra sambanda við mismunandi erlenda samstarfsaðila á þessu sviði, starfandi ráðandi fyrirtækja í framleiðslu á koltrefjum. Við teljum okkur hafa komist að því að koltrefjaverksmiðja staðsett í Skagafirði gæti verið hagkvæmur kostur sem og að þessir erlendu aðilar sína málinu mikinn áhuga. Sem dæmi um þennan áhuga þá hafa komið einar 5 heimsóknir frá þessum aðilum til Íslands til að skoða aðstæður. Vandamál okkar og reyndar alls iðnaðarins er að eftirspurnin eftir koltrefjum hefur fallið mjög mikið vegna heimskreppunnar og er nú sala á koltrefjum líklega rúmlega helmingurinn af núverandi framleiðslugetu iðnaðarins. Af þeim sökum er ekki skynsamlegt að hefja framkvæmdir eða framleiðslu í nýrri verksmiðju á Íslandi nákvæmlega í dag. Við og hinir erlendu aðilar eru allir sammála um að eftir nokkur ár verði eftirspurnin eftir koltrefjum aftur komin á flug og þá verði mjög vænlegt að koma inná þennan markað með nýja verksmiðju. Að þessu markmiði erum við að vinna í dag en óvíst er nákvæmlega hvernær skynsamlegt er að taka ákvörðun um að hefjast handa með framkvæmdir, gæti orðið eftir 1-3 ár. Ég er er mjög vongóður um að af þessu verður en því miður hafa ytri aðstæður gert það að verkum að verkefninu seinnkar.
Hvaða áhrif hefur samningurinn á Akureyri á hugsanlega verksmiðju í Skagafirði? -Ég tel að þessi áform á Akureyri hafi engin áhrif á okkar mál í Skagafirði. Samkvæmt fréttum er þetta innanhéraðsmál á Akureyri og enginn trúverðugur erlendur samstarfsaðili í koltrefjaiðnaðinum með í verkefninu. Snýst meira um að skoða möguleikana á að nýta metangas frá ruslahaugunum þeirra en koltrefjaframleiðslu. Gas er að hluta til notað við framleiðslu á koltrefjum en rafmagn og aðrir þættir skipta mun meira máli. Mitt mat er því að þetta innanhús samkomulag þeirra hafi engin áhrif á okkar áform. Hitt er annað mál vel getur orðið pláss fyrir fleiri ein eina verksmiðju á Íslandi í framtíðinni, til þess þarf iðnaðurinn að ná sér aftur á strik eftir heimskreppuna og því erum við að tala um 5-10 ár þar til það gæti orðið að veruleika.
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.