Bjarni Kristófer ver doktorsritgerð sína
Bjarni Kristófer Kristjánsson, dósent við fiskeldis- og fiskalíffræðideild Háskólans á Hólum, varði föstudaginn 12. desember sl. doktorsritgerð sína Fine scale phenotypic diversity of Arctic charr (Salvelinus alpinus) in relation to ecological characters við dýrafræðideild Háskólans í Guelph í Kanada. Andmælendur voru dr. Anne Magurran frá Háskólanum í St. Andrews í Skotlandi og dr. Andrew McAdam frá Háskólanum í Guelph. Í prófdómnefndinni sátu einnig, dr. Skúli Skúlason, dr. Josef D. Ackerman og dr. Patricia Wright sem var formaður dómnefndar
Rannsóknaverkefnið snérist um að meta mikilvægi vistfræðilegra þátta fyrir þann fjölbreytileika sem finna má innan tegunda lífvera. Í rannsókninni var bleikja (Salvelinus alpinus) rannsökuð sérstaklega, en mikill fjölbreytileiki finnst hjá þeirri tegund.
Niðurstöður verkefnisins sýna að vistfræðilegir þættir eru mikilvægir fyrir þann fjölbreytileika sem finnst hjá bleikju. Þannig voru þættir eins og t.d. fjöldi tegunda fiska í vötnum, hraun og það hvort lindir renni í tjarnir eða í læki mikilvægir. Stór hluti rannsóknarinnar beindist að dvergbleikjum. Í verkefninu fundust dvergbleikjustofnar víða um land. Sumir þessir stofnar voru áður óþekktir. Allar þessar dvergbleikjur eru líkar. Niðurstöður verkefnisins sýndu þó að hægt er að aðgreina fiska frá mismunandi svæðum með því að rannsaka útlit og fæðu þeirra. Var sá breytileiki tengdur vistfræðilegum þáttum. Niðurstöður rannsóknarinnar sýna að vistfræðilegir þættir eru mikilvægir fyrir þróun og viðhald líffræðilegs fjölbreytileika. Þetta er í fyrsta skipti sem tenging milli vistfræðilegra þátta og svipfars er gerð á jafn fínum skala og gert er hér. Þegar leitast er við að vernda og nýta líffræðilegan fjölbreytileika er því mikilvægt að taka tillit til vistfræðilegra þátta.
Fleiri fréttir
-
Grunnskóli Húnaþings vestra tekur þátt í hæfileikakeppninni Fiðringurinn
feykir.is Austur-Húnavatnssýsla, Vestur-Húnavatnssýsla, Lokað efni 23.04.2025 kl. 09.05Þann 7. maí nk. fer fram hæfileikakeppnin Fiðringurinn á Norðurlandi sem er fyrir nemendur í 8.-10. bekk og er í anda Skrekks í Reykjavík og Skálftans á Suðurlandi. Er þetta í fjórða sinn sem þessi keppni fer fram og verður hún haldin í Hofi á Akureyri. Í ár taka tíu skólar þátt og er Grunnskóli Húnaþings vestra einn af þeim en þetta er í fyrsta skipti sem skólinn tekur þátt og einnig sá eini frá Norðurlandi vestra. Það eru Samtök sveitarfélaga á Norðulandi eystra og Menningarfélag Akureyrar sem styrkja þetta verkefni.Meira -
Styrkir til að fjölga óstaðbundnum opinberum störfum á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.04.2025 kl. 08.32Byggðastofnun auglýsir styrki til að fjölga óstaðbundnum opinberum störfum á landsbyggðinni. Í tilkynningunni segir að aðgerð B.7. á byggðaáætlun hefur það markmið að búsetufrelsi verði eflt með fjölgun atvinnutækifæra og auknum fjölbreytileika starfa á landsbyggðinni. Þannig geta ríkisstofnanir nú sótt um styrki til að fjölga óstaðbundnum opinberum störfum.Meira -
Elís og Hafdís voru fyrst til að ná mynd af lóunni í ár
feykir.is Austur-Húnavatnssýsla, Vestur-Húnavatnssýsla, Lokað efni 22.04.2025 kl. 14.07Sveitarfélagið Skagaströnd efndi til ljósmyndasamkeppni þar sem leikskólabörn og krakkar í 1.-4. bekk í grunnskólanum á Skagaströnd voru hvött til þess leita að fyrstu lóunni og ná af henni mynd. Það er ekki annað að sjá en að lóan sé mætt í allri sinni dýrð á Skagaströnd, segir á heimasíðu sveitarfélagsins.Meira -
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að kaupa miða inni á tix.is en þegar þeir mæta á sýninguna þurfa þeir að tilkynna sig í miðasölunni og láta haka við sig. Stjórn Verslunarmannafélagsins verður svo í sambandi við þá aðila sem nýttu sér miðann til að endurgreiða miðakaupin.Meira -
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.