Bjarni Har þakklátur þeim sem samglöddust honum
Það gladdi okkur öll sem komum að því að minnast 90 ára afmælis Verslunar Haraldar Júlíussonar að finna þann mikla hlýhug þess fjölda fólks sem heiðraði okkur með nærveru sinni sl. laugardag, 11. júlí.
Fyrir þetta erum við afskaplega þakklát og viljum við senda okkar bestu þakkir og kveðjur af þessu tilefni.
Sá mikli fjöldi sem samfagnaði með okkur sýnir góðan hug sem við metum mikils. Góðar kveðjur, gjafir og blómasendingar undirstrikaði það sömuleiðis. Fyrir allt þetta getum við seint fullþakkað.
Ég vil sérstaklega þakka öllum þeim sem lögðu hönd á plóginn við undirbúning afmælishátíðarinnar í og við verslunina. Þar ber hæst fjölskylda mín sem lagði sig mjög fram í aðdragandanum og á hátíðardaginn til þess að allt færi vel fram.
Þá vil ég þakka þeim listamönnum sem komu fram fyrir þeirra ómetanlega framlag. Það fór vel á því að það voru skagfirskir tónlistarmenn sem fluttu tónlistina á afmæli verslunarinnar. Fjölmargir aðrir lögðu og hönd á plóginn og voru reiðubúnir til að greiða fyrir undirbúningi hátíðarinnar með margvíslegum hætti og vil ég sérstaklega færa öllu því góða fólki bestu kveðjur mínar.
Það eru ekki margar verslanir eða önnur fyrirtæki sem geta státað af 90 ára starfstíma. Lykillinn að því hefur verið gott starfsfólk, sem og gott og farsælt samstarf okkar við íbúa Skagafjarðar og aðra viðskiptavini, nær og fjær.
Við höfum reynt í starfi okkar að vinna með fólkinu og fyrir fólkið og það hefur metið það með því að sýna okkur tryggð á þessum árum. Fyrir það vildum við meðal annars þakka með því að efna til afmælishátíðarinnar á laugardaginn.
Bjarni Haraldsson
Fleiri fréttir
-
Ríkisábyrgð á 1.490 milljarða króna? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.03.2025 kl. 09.14Tryggð innlán í fjármálastofnunum á Íslandi námu 1.490 milljörðum króna um síðustu áramót samkvæmt upplýsingum frá Tryggingasjóði vegna fjármálafyrirtækja (TVF) sem nemur um þriðjungi vergrar landsframleiðslu á síðasta ári. Tryggð innlán jukust um 131 milljarð króna frá því að staðan var tekin í upphafi síðasta árs. Í byrjun árs 2021 voru tryggð innlán á Íslandi um 1.000 milljarðar króna og hafa þau þannig aukizt um tæplega 50% á einungis síðustu fjórum árum.Meira -
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.