Bjarmanes – Menningarmiðja Norðurlands, Skagaströnd
Næstkomandi föstudag opnar Bjarmanes menningar-og samveruhús á Hólanesvegi, Skagaströnd. Að stofnun Menningarmiðju Norðurlands, sem rekur Bjarmanes: menningar- og samveruhús, standa vinkonurnar G. Eva Guðbjartsdóttir og Erla María Lárusdóttir sem búsettar eru á Skagaströnd. Þeim fannst vanta vettvang þar sem hægt væri að ýta undir menningu, listir og samveru á Skagaströnd og ákváðu að taka málin í eigin hendur.
Tækifæri til að gera eitthvað meira og betra fyrir samfélagið
Tilgangur með stofnun félagsins er að skapa vettvang fyrir listamenn, hönnuði og skapandi fólk á Norðulandi. Veita íbúum aðgang að samkomustað sem einnig er með fjölbreytta dagskrá á boðstólnum. Mynda eftirsóknaverða sérstöðu við ströndina á Skagaströnd, halda tónleika, námskeið, fræðslukvöld, samverukvöld, bókaklúbba, listasýningar, upplestur o.fl. Og þannig skapa heillandi samverustað sem tengir saman íbúa og gesti staðarins.
Hér er tækifæri til að að gera eitthvað meira og betra fyrir samfélagið í þágu menningar, sögu og listsköpunar. Skapa andrúmsloft þar sem fólki líður vel að koma og fá sér kaffi, spjalla og njóta alls hins góða sem Bjarmanes hefur upp á að bjóða. Lögð verður áhersla á að fá íbúa sveitarfélagsins til þess að taka þátt í uppbyggingu starfsins með fjölbreyttum hætti. Einnig býðst íbúum að leigja húsnæðið undir einkasamkvæmi.
Huggulegt og fullt af sál
Bjarmanes er eitt af elstu húsum Skagastrandar. Það var byggt árið 1912 og hefur sinnt fjölmörgum hlutverkum í áranna rás en þar hefur m.a. verið verslun, lögreglustöð, barnaskóli og kaffihús. Húsið er sérlega huggulegt og stendur við sjóinn með stórkostlegt útsýni yfir Húnaflóann, Strandafjöllin og höfnina.
Fjölbreytt dagskrá á opnunardaginn
Bjarmanes opnar formlega föstudaginn 18. nóvember með ljúfri dagskrá og léttum veitingum. Opnunin hefst kl: 20:00 með kynningu á starfseminni og myndlistasýningu þar sem Gígja Óskarsdóttir sýnir verk sín. Klukkan 20:30 hefst tónlistarflutningur þar sem Arna Rún og Snæfríður Dögg koma fram. Þess má geta að þær eru allar frá Skagaströnd.
Á laugardaginn klukkan 14:00 tökum við þátt í Evrópsku Nýtnivikunni með eins konar fataskiptimarkaði með það að markmiði að hvetja fólk til að draga úr óþarfa neyslu og huga að endurnýtingu. Á sama tíma opnar listasýning í kjallara Bjarmaness eftir þrjár erlendar listakonur úr NES listamiðstöðinni á Skagaströnd.
Verið hjartanlega velkomin!
Eva & Erla
Fylgist með okkur á facebook á http://www.facebook.com/menningarmidjanordurlands
/Fréttatilkynning
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.