Bassi og Míla reyndust bestu smalahundarnir
Landskeppni Smalahundafélags Íslands 2024 var haldin að Ási í Vatnsdal í Austur-Húnavatnssýslu 24.-25. ágúst í hellidembu og skítaveðri.
Keppt var í flokki Unghunda, A-flokki og B-flokki og óhætt er að segja að veðrið hafi ekki leikið við keppendur frekar en aðra í fjórðungnum þessa helgina. En keppnin var haldin þrátt fyrir kulda og úrslit eru sem hér segir.
A-flokkur
1. Maríus Halldórsson og Míla frá Hallgilsstöðum - 170 stig
2. Ingvi Guðmundsson og Bassi frá Hríshóli - 159 stig
3. Sverrir Möller og Grímur frá Ketilsstöðum - 145 stig
B-flokkur
1. Halldór Pálsson og Garpur frá Hallgilsstöðum - 124 stig
2. Herdís Erlendsdóttir og Kría frá Hjartarstöðum - 115 stig
3. Símon Helgason og Kjarkur frá Staðarhrauni - 98 stig
Unghundaflokkur
1. Marzibil Erlendsdóttir og Patti frá Gunnarsst. - 106 stig
2. Maríus Halldórsson og Dýri frá Presthólum - 72 stig
3. Rune Brumoen og Glebe Fort Fern - 28 stig
Besti hundur mótsins var Bassi frá Hríshóli í Eyjafirði og besta tík mótsins var Míla frá Hallgilsstöðum. Nýliðabikar Korku fékk Herdís Erlendsdóttir. /gg
Fleiri fréttir
-
Oddviti Húnabyggðar ósáttur við vinnubrögð Vegagerðarinnar
feykir.is Austur-Húnavatnssýsla 16.09.2024 kl. 10.24„Ég ætla bara að ítreka það að við erum búin að standa við okkar. Við erum búin að sameina og mér finnst það asskoti hart að fá svona í bakið fyrir mitt samfélag. Við erum að reyna að sameina samfélög, við gerum það ekki með því að búa til óeiningu milli hverfa í okkar samfélagi,“ sagði Guðmundur Haukur Jakobsson, oddviti Húnabyggðar, í samtali við RÚV í gær.Meira -
30 milljónir settar í undirbúning fyrir Fljótagöng
feykir.is Skagafjörður 16.09.2024 kl. 09.23Stjórnvöld hafa ákveðið að flýta rannsóknum fyrir jarðgöng úr Fljótum og til Siglufjarðar og er nú stefnt að því að borun fyrir jarðgöng geti hafist árið 2026. Þrjátíu milljónum verður varið í að undirbúa gerð jarðganga úr Skagafirði í Fjallabyggð sem myndi leysa af hólmi veg um Almenninga en hann hefur farið illa í veðrum og jarðhreyfingum undanfarin ár og er talinn hættulegur vegfarendum.Meira -
Kormákur/Hvöt hélt sæti sínu í 2. deild þrátt fyrir tap í lokaumferðinni
feykir.is Austur-Húnavatnssýsla, Íþróttir, Vestur-Húnavatnssýsla 15.09.2024 kl. 19.07Það var hart barist í síðustu umferð 2. deildarinnar í tuðrusparkinu í gær. Hvorki hafði gengið né rekið hjá Kormáki/Hvöt í síðustu leikjum og útlitið ekki verulega gott fyrir lokaleikinn; erfiður andstæðingur í Ólafsvík á meðan lið KF spilaði heima á Ólafsfirði gegn Hetti/Huginn sem hafði tapað fimm leikjum í röð og virtust hættir þetta sumarið. Það eina sem spilaði með Húnvetningum var að þeir höfðu stigi meira en lið KF fyrir síðustu umferðina og það reyndist heldur betur mikilvægt þar sem bæði lið töpuðu og bættu því ekki við stigasafnið. Kormákur/Hvöt náði því í raun þeim frábæra árangri að halda sæti sínu í 2. deild og það voru víst ekki margir sem veðjuðu á það fyrir mót.Meira -
Stólastúlkum mistókst að stela sjöunda sætinu af Stjörnunni
feykir.is Skagafjörður, Íþróttir 15.09.2024 kl. 18.57Stólastúlkur spiluðu síðasta leik sinn í Bestu deildinni þetta sumarið í gær þegar þær heimsóttu Stjörnuna í Garðabæinn í úrslitakeppni neðri liða. Bæði lið voru örugg með sitt sæti í deildinni en Donni vildi sjá sitt lið sækja til sigurs og ræna sjöunda sætinu af Stjörnunni og vinna Forsetabikarinn. Tindastóll þurfti að vinna leikinn með þriggja marka mun til þess að svo gæti orðið en það hafðist ekki í þetta skiptið. Lokatölur 2-1 fyrir Stjörnuna.Meira -
Yrði mjög spenntur ef von væri á nýrri bók eftir Hannes Pétursson
feykir.is Skagafjörður, Listir og menning, Lokað efni 15.09.2024 kl. 12.35Það dugar ekki að slugsa með Bók-haldið og að þessu sinni er það skáldið góða, Gyrðir Elíasson, sem segir lesendum Feykis frá sambandi sínu við bækur, fyrr og nú. Gyrðir er fæddur í Reykjavík árið 1961 en ólst upp á Hólmagrund 8 á Sauðárkróki. Hann er giftur og á þrjár dætur, starfar sem rithöfundur og myndlistamaður. Þessa dagana er hann að vinna að bók með þýðingum á ljóðum norska skáldsins Olav H. Hauge.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.