Baldur Hrafn ráðinn í stöðu sviðsstjóra stjórnsýslu- og fjármálasviðs Skagafjarðar
Sagt er frá því á vef Skagafjarðar að sveitarfélagið hefur ákveðið að ráða Baldur Hrafn Björnsson í starf sviðsstjóra stjórnsýslu- og fjármálasviðs en staðan var auglýst öðru sinni í apríl sl. Alls bárust fjórar umsóknir um stöðuna en tveir umsækjendur drógu umsókn sína til baka.
Baldur er með MPA gráðu í opinberri stjórnsýslu frá Háskóla Íslands og BSSc gráðu í samfélagsvísindum frá Fróðskaparsetri Føroya. Þá stundar hann nám í viðskiptafræði við Háskólann á Akureyri.
Baldur hefur yfirgripsmikla reynslu sem nýtist í starfi. Hann hefur starfað hjá Tryggingastofnun í tæp 10 ár og gegnt þar ýmsum störfum, síðast sem aðstoðarframkvæmdastjóri á fjármála- og rekstrarsviði stofnunarinna. Þar voru hans helstu verkefni áætlanagerð fyrir stofnunina og bótaflokka sem stofnunin greiðir út, eftirfylgni áætlunar, greining og úttektir talnagagna fjárhags, skýrslugerð til stjórnenda og ráðuneytis, innkaup, útboð og samningagerð.
Baldur hefur komið að innleiðingu stórra verkefna hjá Tryggingastofnun svo sem verkefnastjórn flutnings stofnunarinnar í nýtt húsnæði, mótun vinnuumhverfis, tækniumhverfis og aðbúnaðar starfsfólks. Einnig kom hann að mörgum mannauðs- og gæðatengdum verkefnum svo sem mótun viðverustefnu, gerð hæfnimats, innleiðingu gæðahandbókar, mótun og ritun verklagsreglna, leiðbeininga auk þess að hafa haft umsjón með árangursmælingum fyrir stofnunina.
Baldur mun hefja störf sem sviðsstjóri stjórnsýslu- og fjármálasviðs snemma sumars og tekur við af Margeiri Friðrikssyni sem gegnt hefur stöðunni undanfarin 25 ár en fer nú í starf fjármálastjóra.
Nöfn þeirra sem sóttu um stöðu sviðsstjóra stjórnsýslu- og fjármálasviðs eru eftirfarandi, í stafrófsröð: Baldur Hrafn Björnsson og Marta Mirjam Kristinsdóttir.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.