Áttunda sætið varð hlutskipti Stólastúlkna
Lið Tindastóls kláraði leik í 1. deild kvenna í körfubolta í gærkvöldi þegar stúlkurnar mættu B-liði Fjölnis í Dalhúsi. Lið Tindastóls fór vel af stað en heimastúlkur snéru leiknum sér í vil í öðrum leikhluta og unnu að lokum ansi öruggan 14 stiga sigur. Lokatölur 78-64 og endaði lið Tindastóls því í áttunda sæti en ellefu lið tóku þátt í 1. deildinni.
Þetta var þriðji leikur Stólastúlkna á fjórum dögum og mikið lagt á þær Maddie og Evu Rún sem hafa spilað nánast hverja sekúndu í leikjum Tindastóls. Þær voru engu að síður atkvæðamestar í ungu liði Stólastúlkna; Maddie gerði 31 stig og tók 22 fráköst og hefur reynst hreint mögnuð í vetur. Þá gerði Eva Rún 17 stig en aðrir leikmenn fimm stig eða minna.
Sem fyrr segir fóru Stólastúlkur vel af stað og gerði Maddie fyrstu tíu stig liðsins og staðan 2-2-10 eftir þriggja mínútna leik. Heimastúlkur komu sér betur inn í leikinn og staðan var jöfn að loknum fyrsta leikhluta, 17-17. Þær náðu frumkvæðinu í öðrum leikhluta en gestirnir voru ákveðnir og hleyptu þeim ekkert frá sér og staðan 30-28 þegar þrjár mínútur voru í hálfleik. Þá kom góður kafli Fjölnisstúlkna sem gerðu tíu stig í röð og leiddu í hléi, 40-30.
Fjögur fyrstu stig síðari hálfleiks voru heimastúlkna en þristur frá Klöru Sólveigu og tvistur frá Evu löguðu stöðuna. Fjölnisstúlkum gekk hins vegar betur að koma boltanum í körfuna utan 3ja stiga línunnar, settu niður níu þrista á meðan Stólastúlkur settu niður þrjá í álíka mörgum tilraunum og þetta taldi að sjálfsögðu. Staðan var 62-45 að loknum þriðja leikhluta og þrjár körfur frá Maddie og ein frá Fanneyju á fyrstu mínútum fjórða leikhluta gáfu smá von og staðan 63-53. Eva minnkaði muninn í sjö stig,70-63, þegar tvær og hálf mínúta var til leiksloka en Stólastúlkur náðu ekki að fylgja því eftir og lið Fjölnis tryggði sér stigin.
Maddie með magnaðar tölur
Þá er keppni í 1. deild kvenna lokið og aðeins eftir að spila fjögurra liða úrslitakeppni. Lið Ármanns varð í efsta sæti, vann 18 leiki af tuttugu. Stólastúlkur unnu átta leiki og töpuðu tólf í vetur og ungt liðið stóð sig vel, vann nokkra naglbíta þó heimasigurinn gegn liði Þórs hafi sennilega verið sá sætasti. Ekki er vafi á því að stúlkurnar hafa sótt mikla og góða reynslu í vetur.
Liðið hóf leik með tvo erlenda leikmenn en hin slóvenska Ksenja hélt heim í desember. Madison Anne Sutton (Maddie) reyndist hins vegar happafengur en hún var fimmta stigahæst í deildinni (27,4), tók flest fráköst að meðaltali (20), átti 4,3 stoðsendingar og var í sjöunda sæti í þeim flokki í deildinni og endaði með næst hæsta meðaltalið hvað framlag snertir eða 37,5. Það má fullyrða að vilji standi til þess að semja á ný við þennan snilling.
Takk fyrir veturinn Stólastúlkur – áfram Tindastóll!
Fleiri fréttir
-
Græni salurinn í kvöld !
feykir.is Skagafjörður 27.12.2024 kl. 14.35Sannkölluð tónlistarveisla verður í Bifröst á Sauðárkróki í kvöld föstudaginn 27.desember, þegar tónleikar sem nefnast Græni salurinn byrja á slaginu 20:30. Þetta er ekki í fyrsta skipti sem tónleikarnir eru haldnir og er það með þessa tónleika eins annað á þessum árstíma fyrir þeim er komin hefð.Meira -
Jólabarnaball í sal FNV í dag kl. 17:00
feykir.is Skagafjörður, Austur-Húnavatnssýsla, Vestur-Húnavatnssýsla 27.12.2024 kl. 11.14Hið árlega Jólabarnaball verður haldið á sal Fjölbrautaskólans á Sauðárkróki í dag, föstudaginn 27. des. kl. 17:00. Að vanda eru allir hjartanlega velkomnir – börn og fullorðnir. Nemendur í 10. bekk Árskóla syngja og dansa við jólatréð og svo mæta að sjálfsögðu jólasveinarnir með glaðning handa krökkunum ... Hóhó!Meira -
Karlafitt 550 sigraði Jólamót Molduxa
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 27.12.2024 kl. 09.48Jólamót Molduxa í körfubolta fór fram í gær, annan dag jóla, í íþróttahúsinu á Sauðárkróki. Samkvæmt venju var mótið vel sótt, bæði af hálfu keppenda og ekki síður áhorfenda en að þessu sinni tóku 10 lið þátt. Keppt var í tveimur riðlum, á tveimur völlum, frá kl. 11-16, en þá hófst úrslitaleikur efstu liða hvors riðils. Það var Karlafitt 550, sem stóð uppi sem sigurvegari mótsins og Una Aldís Sigurðardóttir hlaut þann heiður að fá Samfélagsviðurkenningu Molduxa þetta árið.Meira -
Jólaspekingar spjalla
feykir.is Skagafjörður, Austur-Húnavatnssýsla, Vestur-Húnavatnssýsla, Börnin segja, Lokað efni 27.12.2024 kl. 08.23Jólin eru hátíð barnanna og því er ekkert vit í öðru en spyrja yngstu spekingana aðeins út í nokkur lykilatriði og svörin að sjálfsögðu hreinskilin.Meira -
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.