Alor tekur þátt í að efla öryggi í fjarskiptum
Neyðarlínan og nýsköpunarfyrirtækið Alor ehf. hafa gert með sér samning um þátttöku Neyðarlínunnar í þróun sjálfbærrar álrafhlöðu sem Alor vinnur að auk forpöntunar á vörunum. Neyðarlínan stefnir að því að skipta út eldri blýsýru rafgeymum fyrir umhverfisvæna álrafgeyma sem munu geyma meiri raforku og eru meðfærilegri auk þess að auka öryggi í fjarskiptum, ekki síst í Tetra fjarskiptakerfinu.
Neyðarlínan hefur sett sér metnaðarfull markmið í umhverfismálum sem m.a. snúa að því að draga úr neikvæðum umhverfisáhrifum starfseminnar og draga úr bruna jarðefnaeldsneytis sem nú þegar hefur minnkað um tæplega 92%. Álrafhlöðutækni Alor mun falla vel að markmiðum Neyðarlínunnar enda verða lausnirnar sjálfbærar, um 95% endurvinnanlegar og hafa lítil umhverfisáhrif. Lausnirnar verða bæði til þess fallnar að skipta út óumhverfisvænum rafgeymum í Tetra fjarskiptakerfinu og síðar að draga úr keyrslu varaafls með jarðefnaeldsneyti.
„Neyðarlínan hefur lagt höfuðáherslu á að skipta út jarðefnaeldsneyti fyrir umhverfisvæna orku í starfsemi sinni og hefur náð miklum árangri á því sviði. Með samningnum við Alor um þátttöku í þróun sjálfbærra álrafhlaða, vonumst við til að unnt verði að draga enn frekar úr notkun jarðefnaeldsneytis, um leið og innviðir öryggisfjarskipta í landinu munu styrkjast enn frekar,“ segir Þórhallur Ólafsson, framkvæmdastjóri Neyðarlínunnar. Áætlað er að framleiðslu fyrstu frumgerða álrafhlaðna ljúki á vormánuðum. Þá er fyrirhugað að hefja tilraunaframleiðslu hér á landi í lok árs 2023.
„Neyðarlínan hefur náð gríðarlegum árangri í umhverfismálum og það er afar ánægjulegt fyrir Alor að fá tækifæri til þess að koma að grænni uppbyggingu félagsins. Það er einnig verðugt verkefni að efla öryggi í fjarskiptum. Forpöntun á vörunum endurspeglar áhuga Neyðarlínunnar en með tilraunaverkefninu mun Alor fá aðstöðu til prófana og verðmæta endurgjöf frá sérfræðingum Neyðarlínunnar sem veitir neyðar- og öryggisþjónustu hér á landi. Lausnir Neyðarlínunnar þurfa að standast miklar gæða- og öryggiskröfur sem eru þættir sem munu leika lykilhlutverk í vöruþróun Alor,“ segir Linda Fanney Valgeirsdóttir, framkvæmdastýra Alor.
/Fréttatilkynning
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.