Allt að verða uppselt á leikinn í Síkinu á sunnudag
Það er ýmislegt sem dregur að sér athyglina þessa helgina; sveitarstjórnarkosningar og Eurovision á laugardagskvöldið en hér á Norðurlandi vestra virðast nú flestir hafa hvað mestan áhuga á ævintýri Tindastóls í úrslitakeppninni í körfubolta og það þarf talsvert djúsi málefni til að skófla körfunni út af kaffistofuborðinu. Mbl.is greinir frá því að miðar á fjórða leikinn í einvígi Vals og Tindastóls, sem fram fer nú á sunnudagskvöldið, fóru í sölu í morgun á miðasölukerfinu Stubbi sem hrundi undan álaginu. Það er næsta víst að það verði engir auðir og ógildir í Síkinu á sunnudag.
Hermt er að töluvert færri hafi komist að en vildu á þriðja leik liðanna í gærkvöldi. Sú virðist ætla að verða raunin með næsta leik líka því Mogginn hefur eftir Degi Þór Baldvinssyni, formanni körfuknattleiksdeildar Tindastóls, að 800 miðar hafi selst á tíu mínútum í morgun. Síkið tekur 1200 manns en eftirspurn eftir miðum er talsvert meiri. Dagur tjáði Feyki rétt í þessu að það styttist í að það verði uppselt á leikinn en stefnt er að því að selja restina af miðunum í sjoppunni í íþróttahúsinu kl. 17:00 í dag (föstudag).
Úrslitakeppnin hefur verið bráðskemmtileg þetta vorið og þá ekki hvað síst viðureignir Tindastóls gegn Keflvíkingum, Njarðvíkingum og Völsurum – enda boltinn sem liðið spilar alla jafna eins og að túrbótakkinn á tölvuleikjafjarstýringunni sé fastur á ON. Stemningin og gleðin sem hefur fylgt stuðningsmönnum Stólanna, sem koma af öllu Norðurlandi vestra og sennilega miklu víðar, hefur líka vakið mikla athygli – og vegna skorts á almennilegum lýsingarorðum hafa sérfræðingar í setti kallað hana einstaka. Svf. Skagafjörður bauð stuðningsmönnum rútuferð á leikinn frá Króknum og þá herma upplýsingar Feykis að rúta hafi sömuleiðis farið frá Hvammstanga.
En bara svo það sé á hreinu; Stólarnir þurfa á sigri að halda til að eiga möguleika á að tryggja sér Íslandsmeistaratitilinn í Origo-höllinni nk. miðvikudag. Má ég heyra?
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.