Alls voru gefnar út 333 veðurviðvaranir árið 2024
Á vedur.is segir að gefnar voru út samtals 333 viðvaranir vegna veðurs árið 2024, þar af 29 appelsínugular en engin rauð. Sá fjöldi er svipaður og árið áður, en frá 2018 hafa að meðaltali 373 viðvaranir verið gefnar út á ári. Árið 2024 var því heldur undir meðallagi síðustu ára. Eins og sjá má á meðfylgjandi súlnariti þá voru gefnar út 28 gular og sjö appelsínugular veðurviðvaranir á Norðurlandi vestra árið 2024.
Viðvaranir dreifðust misjafnlega eftir spásvæðum, flestar viðvaranir voru gefnar út á Suðausturlandi, 41 talsins, og á Breiðafirði og Vestfjörðum voru gefnar út 40. Fæstar voru á höfuðborgarsvæðinu, 14 talsins. Í öðrum landshlutum var fjöldi viðvara á bilinu 20 til 35. Á Norðurlandi eystra voru flestar appelsínugular viðvaranir gefnar út, sjö talsins. Oftast var varað við vindi og hríð, samtals 279 viðvaranir, en 54 viðvaranir voru gefnar út vegna asahláku, rigningar og snjókomu.
Fleiri fréttir
-
Sveitarfélagið Skagaströnd áætlar jákvæða rekstrarniðurstöðu
feykir.is Skagafjörður, Austur-Húnavatnssýsla, Vestur-Húnavatnssýsla 09.01.2025 kl. 14.25Á fréttavefnum huni.is segir að fjárhagsáætlun Skagastrandar 2025 var samþykkt á sveitarstjórnarfundi rétt fyrir jól. Samkvæmt henni er gert ráð fyrir að rekstrarniðurstaðan verði jákvæð um 11 milljónir króna. Tekjur eru áætlaðar 946 milljónir og þar af eru skatttekjur og framlög Jöfnunarsjóðs áætlaðar 684 milljónir en aðrar tekjur 262 milljónir. Rekstrargjöld eru áætluð 867 milljónir, afskriftir 58 milljónir, og fjármagnsgjöld 10 milljónir. Veltufé frá rekstri er áætlað jákvætt um 93 milljónir.Meira -
Hefði verið til í að taka með sér skjólið á Krókinn | Velkominn heim
feykir.is Skagafjörður, Lokað efni, Velkomin heim 09.01.2025 kl. 13.35Síðustu ár hafa fjölmargar fjölskyldur flutt norður þar sem annar makinn er uppalinn í Skagafirði og er það mjög ánægjuleg þróun. Valdimar Pétursson og hans fjölskylda er ein af þeim og hafa komið sér vel fyrir á Bárustígnum á Króknum. Valdimar er fæddur og uppalinn á Króknum en hann er sonur Péturs Valda og Rögnu Jóhannsdóttur. Konan hans Valdimars er Eva Kuttner og er hún frá Leipzig í Þýskalandi.Meira -
Menningarsjóður KS styrkir 23 verkefni
feykir.is Skagafjörður, Lokað efni 09.01.2025 kl. 12.20Úthlutun úr Menningarsjóði KS fór fram í húsakynnum Kaupfélags Skagfirðinga við Ártorg á Sauðárkróki í lok desember sl. og voru hin ýmsu verkefni valin, flest skagfirsk en húnvetnsk voru einnig þar á meðal. Menningarsjóðurinn var stofnaður á aðalfundi KS vorið 1963 og hefur í gegnum tíðina verið með tvær úthlutanir á ári, annars vegar að vori og hins vegar um jól. Heildarupphæð styrkja sem úthlutað var nú í desember voru tæpar 13 milljónir.Meira -
Ivan Tsvetomirov Tsonev hlaut Minningarbikar um Stefán og Hrafnhildi
feykir.is Skagafjörður, Lokað efni 09.01.2025 kl. 12.15Nú á dögunum var Ivan Tsvetomirov Tsonev, fótboltadrengur á Sauðárkróki, afhentur farandbikar ásamt áletruðum skyldi og peningagjöf til minningar um Stefán Guðmundsson, fyrrverandi stjórnarformann Kaupfélags Skagfirðinga, og konu hans Hrafnhildi Stefánsdóttur. Bikarinn var fyrst veittur fyrir um áratug og hefur sú athöfn farið fram jafnhliða úthlutun menningarstyrkja Kaupfélags Skagfirðinga.Meira -
Leikdagur allir í Síkið
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 09.01.2025 kl. 11.50Í kvöld fimmtudaginn 9. janúar á slaginu klukkan 19:15 heimsækir lið ÍR Síkið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.