Ætla að léttast um 99 kíló
Nýr þreksalur var tekinn í notkun á föstudag í Íþróttamiðstöðinni á Blönduósi. Tveir einkaþjálfarar voru mættir á staðinn og kynntu gestum og gangandi meðferð tækjanna og voru að auki með ráðgjöf varðandi hreyfingu og æfingar í og án tækja. Einnig gátu gestir prófað tækin á eigin vegum.
Við þetta tilefni tók Kári Kárason, formaður bæjarráðs, til máls og færði öllum viðstöddum kveðjur bæjarstjórnarinnar. Hann upplýsti þar að bæjarstjórnin og bæjarstjórinn hefði á dögunum ákveðið að sýna gott fordæmi í heilsurækt en þeir mættu allir á viktina út við bryggju og létu vigta sig og reyndust þeir vera 990 kg. Því var ákveðið að 10% fita skyldi fjúka eða 99 kg samtals fyrir 15. maí n.k. en þá stendur til að vígja nýju sundlaugina. Þessu til staðfestingar fylgir hér með mynd af köppunum án nýjasta meðlims bæjarstjórnarinnar Þórhalls Barðasonar en hann átti ekki heimangengt þennan dag.
Vilhjálmur K. Stefánsson mun verða þeim innan handar á tímabilinu og sjá um æfingaáætlanir og vigtun. Húnahornið segir frá þessu en þar verður fylgst grant með félögunum og lesendur upplýstir reglulega um árangurinn.
/Húni.is
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.